МІНСК, 24 чэр – Sputnik. Украінская групоўка, якая апынулася ў асяроддзі каля населеных пунктаў Горскае і Залатое, укамплектавана толькі на 40%, паведамілі ў прэс-службе Мінабароны РФ.
У абаронным ведамстве ўдакладнілі, што палонныя ўкраінскія вайскоўцы сцвярджаюць, што групоўка знясілена, а кіраванне страчана.
"Укамплектаванасць падраздзяленняў асабовым складам складае менш як 40%. Забеспячэнне зброяй, боепрыпасамі, гаручым і іншымі матэрыяльнымі сродкамі поўнасцю спынена", - адзначылі ў прэс-службе.
У цяперашні час расійскія падраздзяленні сціскаюць кола акружэння. Украінскія вайскоўцы знаходзяцца пад бесперапынным агнём. Учора расійскія войскі ўсталявалі кантроль над населеным пунктам Залатое.
Паводле інфармацыі расійскага абароннага ведамства, у "горскім катле" апынуліся каля 2 тысяч байцоў, у лік якіх уваходзіць каля 1 800 ваеннаслужачых, 120 членаў "Правага сектара" (забаронены ў Расіі - Sputnik), да 80 замежных наёмнікаў.
Цяпер у распараджэнні ўкраінскай групоўкі знаходзіцца больш за 40 браневікоў і каля 80 артылерыйскіх гармат і мінамётаў. Усе яны ўваходзяць у склад чатырох батальёнаў.
"Толькі за апошнія суткі ў гэтым раёне адмовіўся ад супраціўлення і добраахвотна здаўся ў палон 41 вайсковец", - падкрэслілі ў прэс-службе Мінабароны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Расійскія ракеты знішчылі ўзвод амерыканскіх гаўбіц і 650 баевікоў
Расійская авіяцыя знішчыла за суткі да 500 вайскоўцаў УСУ – Мінабароны
Расійскія войскі ўдарылі ракетамі "Оникс" па аэрадроме ў Адэскай вобласці
Ракетным ударам знішчана больш за 50 генералаў і афіцэраў арміі Украіны
Мінабароны Расіі назвала колькасць знішчанай украінскай тэхнікі