Тры беларускія лёгкаатлеты дыскваліфікаваныя за допінг

МІНСК, 22 жнів – Sputnik. Беларускія лёгкаатлеты Павел Крывіцкі, Алена Кіевіч і Надзея Астапчук дыскваліфікаваны AIU (Athletics Integrity Unit) за парушэнне антыдопінгавых правіл, паведаміла прэс-служба Беларускай федэрацыі лёгкай атлетыкі.

Адзначаецца, што ў адносінах да кідальніка молата Паўла Крывіцкага ануляваны вынікі з 22 сакавіка 2012-га па 16 ліпеня 2012 года.

"Спартсмен ужо адбыў максімальнае пакаранне тэрмінам на 4 гады за папярэдняе парушэнне правілаў, і яго вынікі з 17 ліпеня 2012 года па 16 ліпеня 2014 года і з 11 мая 2015 года 10 чэрвеня 2015 года ўжо ануляваныя", – гаворыцца ў паведамленні.

Таксама забароненыя рэчывы знайшлі ў штурхальніцы ядра Надзеі Астапчук. Лёгкаатлетцы анулявалі вынікі выступленняў з 22 сакавіка 2012 года па 25 красавіка 2014 года.

Бягуха на кароткія дыстанцыі Алена Кіевіч атрымала бан на два гады з 4 жніўня 2022-га. Яе дасягненні ануляваны з 14 сакавіка 2012-га па 13 сакавіка 2014 года.

Раней Міжнародны алімпійскі камітэт пасля пераправеркі допінг-проб ануляваў вынікі двух беларускіх спартсменаў, якія выступалі на Алімпійскіх гульнях 2008 года ў Пекіне, – штурхальніцы ядра Надзеі Астапчук і кідальніцы молата Дар'і Пчэльнік.

Сярод беларускіх барцоў гучныя допінгавыя скандалы звязаны з чэмпіёнам II Еўрапейскіх гульняў па грэка-рымскай барацьбе Кірылам Грышчанка і Сяргеем Старадубам. У 2020-м яны былі дыскваліфікаваны на чатыры гады за ўжыванне допінгу – дэгідрахлорметылтэстастэрону (экзагенны анабалічны андрагенны стэроід).

Сваю віну спартсмены адмаўлялі. У выніку доўгага разбору Грышчанка пазбавіўся залатой узнагароды Еўрапейскіх гульняў у Мінску. Дыскваліфікацыю атрымалі абодва атлеты.

Адна з самых вядомых спраў у беларускім спорце звязана з дыскваліфікацыяй тхэквандыста Армана-Маршала Сіла. У яго крыві знайшлі забароненае рэчыва, з-за чаго ён не трапіў на Алімпіяду ў Рыа і вымушаны быў адбыць чатырохгадовую дыскваліфікацыю. Сам атлет ужыванне мельдонію абвяргаў і сцвярджаў, што прэпарат падсыпалі.