Чаму Беларусь не мае патрэбы ў размяшчэнні ваенных баз Расіі, растлумачылі ў МЗС

МІНСК, 26 вер – Sputnik. Улічваючы сучасны ўзровень развіцця абаронных тэхналогій, Беларусь не мае патрэбы ў размяшчэнні на тэрыторыі рэспублікі расійскіх ваенных баз, аб гэтым заявіў кіраўнік беларускага МЗС Уладзімір Макей.

На пытанне аб тым, ці не стане актуальным размяшчэнне ваенных баз Расіі ў Беларусі на фоне ваеннага нарошчвання НАТА каля меж рэспублікі, міністр адзначыў, што такія размовы вядуцца ўжо даўно.

Дыпламат мяркуе, што на фоне ваенных тэхналогій цяперашняга часу "няма асаблівага сэнсу ў размяшчэнні дадатковых замежных, у дадзеным выпадку расійскіх ваенных баз на тэрыторыі Беларусі".

Макей адзначыў, што дастаткова будзе размясціць адпаведную тэхніку ў Смаленскай вобласці ці недзе яшчэ.

"Гэта будзе, магчыма, нават больш эфектыўна выглядаць, чым размяшчэнне канкрэтных расійскіх баз у Беларусі", - адзначыў кіраўнік МЗС.

Міністр замежных спраў нагадаў, што ў Расіі і Беларусі створана сумесная групоўка войск, а таксама праводзяцца сумесныя трэніроўкі І ваенныя вучэнні.

Масква, паводле слоў Макея, адназначна раней заявіла, што "калі нехта паспрабуе здзейсніць нейкія намеры супраць Беларусі, то мы будзем разглядаць гэта як нападзенне на Саюзную Дзяржаву, чытай – нападзенне на Расійскую Федэрацыю".

Нагадаем, што ў пачатку верасня на тэрыторыі Расіі прайшлі камандна-штабныя вучэнні "Восток-2022", у якіх сумесныя дзеянні з войскамі ВПА, часткай сіл Паветрана-дэсантных войскаў, далёкай і ваенна-транспартнай авіяцыі адпрацоўвалі воінскія кантынгенты з 14 краін (АДКБ, ШАС і дзяржаў-партнёраў), у іх ліку - з Беларусі.

У вучэннях было задзейнічана больш за 50 тысяч вайскоўцаў, больш за пяць тысяч адзінак узбраення і ваеннай тэхнікі, у тым ліку 140 лятальных апаратаў, 60 баявых караблёў, катэраў і судоў забеспячэння.