МІНСК, 28 вер – Sputnik. Прэзідэнт Беларусі Аляксандр Лукашэнка прыбыў у Абхазію, паведамляе Медыяцэнтр МЗС Абхазіі.
"Цяпер ён сустракаецца з кіраўніком рэспублікі, Асланам Бжанія", - піша Sputnik Абхазія.
Палітыкі абмяркоўваюць двухбаковае супрацоўніцтва ў сферы гандлю і эканомікі. Бакі таксама нададуць увагу аналізу міжнароднага і бягучага парадку дня.
Пра што казалі лідары
Аслан Бжанія нагадаў, што ў 1996 годзе на саміце СНД Аляксандр Лукашэнка выступіў супраць эканамічнай блакады Абхазіі пасля канфлікту з Грузіяй.
"Вы сказалі аб тым, што ізаляцыя, эканамічная блакада Абхазіі – гэта няправільнае рашэнне. Абхазія ведае аб гэтым і цэніць. Нас звязваюць добрыя чалавечыя адносіны. Мы вельмі рады Вашаму прыезду", - адзначыў абхазскі лідар.
Сустрэча прэзідэнтаў Абхазіі і Беларусі прайшла на дзяржаўнай дачы ў Піцундзе
© Sputnik Abkhazia
Пасля чаго дадаў, што візіт беларускага лідара надасць новы імпульс развіццю адносін паміж народамі.
У сваю чаргу Аляксандр Лукашэнка падкрэсліў, што абмеркаваў ужо свой візіт у Абхазію з расійскім прэзідэнтам Уладзімірам Пуціным, і ён ніяк не звязаны з падзеямі на сусветнай арэне.
"Мы вельмі шмат, да ночы абмяркоўвалі гэтыя пытанні і прыйшлі да адной высновы, што Абхазію нельга кідаць. Ёй трэба дапамагаць, каб гэты квітнеючы край, людзі, якія тут жывуць, жылі нармальна", - мяркуе кіраўнік беларускай дзяржавы.
Падчас візіту, які праходзіць на дзяржаўнай дачы ў Піцундзе, Аляксандра Лукашэнку, мяркуючы па фатаграфіях пратакола, суправаджаюць яго малодшы сын Мікалай, Віктар Шэйман, Наталля Эйсмант, Дар’я Шманай.
Расія і Беларусь узгадняюць палітыку
Аляксандр Лукашэнка нагадаў, што ён з’яўляецца вопытным палітыкам, таму трэба падумаць сумесна аб тым, як забяспечыць дастойнае жыццё ў Абхазіі.
"Я гэта памятаю яшчэ з савецкіх часоў, калі тут быў. Таму мы хочам наладзіць не проста мост дружбы, а вельмі сур’ёзныя адносіны", - падкрэсліў ён.
Пасля чаго асабліва адзначыў, што Мінск і Масква праводзяць узгодненую палітыку. Расія гатова дапамагчы, таму што для гэтага надышоў момант.
"Мы сёння, як ніколі, убачылі, якім стаў свет. Нам спакойна жыць не дадуць. Таму мы павінны ўмацоўваць адносіны з сябрамі", - упэўнены беларускі лідар.
Раней у канцы жніўня бягучага года прэзідэнт Абхазіі Аслан Бжанія заявіў аб гатоўнасці далучыцца да Саюзнай дзяржавы.
Тады мясцовы лідар агучыў планы на рэалізацыю буйнога інвестыцыйнага праекта, які рэспубліка будзе ажыццяўляць з Беларуссю, але падрабязнасці раскрываць не стаў.
Незалежнасць Абхазіі зараз прызнаюць Расія, Нікарагуа, Венесуэла, Науру, Сірыя. Афіцыйны Мінск пакуль не рабіў заяў аб прызнанні закаўказскай рэспублікі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Прэзідэнт Абхазіі ацаніў якасць беларускай прадукцыі
Абхазы пра Беларусь: прыгожы прэзідэнт, бульба і гаспадарлівыя людзі
Пуцін ніколі не прапаноўваў Беларусі ўвайсці ў склад РФ – Лукашэнка