Падчас сумесных трэніровак вайскоўцы на комплексных вучэннях АДКБ адпрацоўваюць падрыхтоўку і правядзенне сумеснай аперацыі па лакалізацыі ўзброенага канфлікту ў Цэнтральна-Азіяцкім рэгіёне, расказалі ў расійскім Мінабароны.
На кадрах, знятых агенцтвам Ruptly, можна ўбачыць пастраенне вайскоўцаў, а таксама ваенную і спецыяльную тэхніку, якая задзейнічана ў манеўрах.
Акрамя таго, у ходзе вучэнняў Калектыўных сіл аператыўнага рэагавання "Взаимодействие-2022" сфарміравана падраздзяленне ваенных медыкаў для адпрацоўкі экстраных метадаў радыяцыйнай, хімічнай і біялагічнай абароны.
Па задуме вучэння, зводнае падраздзяленне займаецца ліквідацыяй успышкі асабліва небяспечнай інфекцыі падчас баявых дзеянняў.
Ваеннаслужачыя пры дапамозе спецабсталявання праводзяць біялагічную разведку аб’ектаў і мясцовасці, а таксама спецыяльную апрацоўку асабовага складу, адміністрацыйных і жылых памяшканняў, узбраення і тэхнікі.
Агульная колькасць ваеннаслужачых, задзейнічаных у вучэннях АДКБ у Казахстане, складае больш за 6 500 чалавек і больш за 850 адзінак ваеннай і спецыяльнай тэхнікі, у тым ліку самалётаў, верталётаў і беспілотнікаў. Манеўры будуць працягвацца да 13 кастрычніка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларускія вайскоўцы прымуць удзел у вучэннях АДКБ
Арменія звярнулася да РФ, АДКБ і ААН з-за сітуацыі на мяжы з Азербайджанам
АДКБ калектыўна адкажа на любыя выклікі і крызісныя сітуацыі – Зась
Зась ацаніў магчымасці рэакцыі АДКБ на пашырэнне НАТА
МЗС РФ: мандат АДКБ не прадугледжвае ўвод калектыўных сіл ва Украіну