МІНСК, 27 кас – Sputnik. Рашэнне Нобелеўскага фонду не запрашаць паслоў Расіі і Беларусі на цырымонію ўручэння прэмій – чарговы прыклад палітызацыі і праява русафобіі, заявіла афіцыйны прадстаўнік расійскага знешнепалітычнага ведамства Марыя Захарава.
"Дадзенае рашэнне Нобелеўскага фонду – гэта чарговы прыклад палітызацыі, русафобскіх настрояў, якія паразілі, на жаль, усе пласты шведскага грамадства", - сказала Захарава на брыфінгу ў чацвер.
Раней Нобелеўскі фонд праінфармаваў, што паслы РФ і Беларусі ў Швецыі з-за расійскай спецаперацыі ва Украіне не будуць запрошаны на ўручэнне Нобелеўскіх прэмій за 2022 год. Цырымонія адбудзецца 10 снежня ў Стакгольме.
Марыя Захарава са шкадаваннем адзначыла, што такімі крокамі Нобелеўскі фонд разбурае свой аўтарытэт кампетэнтнага і непрадузятага арбітра дасягненняў вучоных з розных краін. І такіх "плям", падкрэсліла дыпламат, ужо вельмі шмат на рэпутацыі Нобелеўскай прэміі.
Пры гэтым, нягледзячы на спробы ігнараваць Расію і Беларусь, уклад дзвюх краін у развіццё сусветнай навукі быў і ёсць бясспрэчны, заявіла прадстаўнік МЗС РФ.
"А што да палітызацыі, то хочацца пажадаць, каб арганізацыя ўсё ж нейкім чынам дыстанцыявала сябе ад крайніх праяў, якія мяжуюць з нацыяналізмам", - рэзюміравала Захарава.
Уручэнне Нобелеўскіх прэмій заўсёды праходзіць 10 снежня – у дзень смерці заснавальніка ўзнагарод Альфрэда Нобеля (1833-1896).
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Пуцін прапанаваў Кіеву неадкладна спыніць агонь і пачаць перагаворы
Пуцін: зараз ідзе фарміраванне больш справядлівага свету
Захад абвясціў усяму рускаму свету татальную вайну - Лаўроў
Рускі свет. Чаму яго так баіцца калектыўны Захад?