Аб пачатку будаўніцтва загароды на мяжы Польшчы з Калінінградскай вобласцю Расіі паведаміў у сераду кіраўнік польскага Міністэрства абароны Марыуш Блашчак, матывуючы прынятае рашэнне магчымымі патокамі нелегальных мігрантаў.
Падаплёка гэтай гісторыі відавочная – на мінулым тыдні ў СМІ з’явілася інфармацыя ад прэс-службы губернатара Калінінградскай вобласці аб тым, што рэгіянальны ўрад дамаўляецца пра прамыя авіязносіны з Турцыяй, растлумачыў Насовіч.
"У нас моцна ўскладнена сувязь са знешнім светам, пасля таго як Польшча адмовілася пускаць расіян на сваю тэрыторыю. Раней мы ўсе ляталі па Еўропе праз гданьскі аэрапорт, таму што гэта недзе 2-3 гадзіны язды ад Калінінграда да Гданьска, а там па унутрыеўрапейскім тарыфам вельмі танна і проста падарожнічаць. Вось зараз усё гэта накрылася медным тазам па зразумелых прычынах, і калі з вялікай Расіі (з асноўнай тэрыторыі РФ) у нас праблем дабрацца па паветры няма, то з астатнім светам гэта неяк цяжка, усе еўрапейскія межы зачынены, лятаць з перасадкай у Маскве або Піцеры вельмі доўга і дорага. Таму былі перагаворы пра прамыя рэйсы ў Стамбул з Калінінграда. Гэта значыць, гэтая тэма абсалютна ўнутраная, нават рэгіянальная”, - распавядае Насовіч.
Пры гэтым у Варшаве ўбачылі ў гэтым прывід міграцыйнага крызісу, аналагічны таму, які адбываўся ў мінулым годзе на беларуска-польскай мяжы.
"Гэта дастаткова дзіўна, калі зыходзіць з таго, як гэты крызіс бачыў польскі бок. Ён лічыў, што гэты крызіс штучны, створаны Лукашэнкам, каб прымусіць Еўрасаюз дамаўляцца і прызнаць у ім легітымнага прэзідэнта. Калі зыходзіць з іх логікі, Расія таксама дае прамыя авіязносіны паміж Калінінградам і Стамбулам, каб пазапаўняць суседнія рэгіёны Польшчы арабскімі бежанцамі. Навошта Расіі гэта трэба, я не ўяўляю", - разважае Насовіч.
Палітычнага дыялогу з Польшчай у Расіі няма, ён спыніўся 10 гадоў таму. У расійскай знешняй палітыцы адносіны з Варшавай Крамлю не патрэбны, і для чагосьці там прымушаць Польшчу з дапамогай мігрантаў Расіі зусім не трэба, перакананы эксперт.
"Гэты плот бачыцца прыкметай завышанай самаацэнкі палякаў пра сябе. У гэтай гісторыі ёсць і эканамічная падаплёка. І ў Польшчы, і ў краінах Прыбалтыкі ўсе праекты, звязаныя з будаўніцтвам, рэалізуюцца пры дапамозе Еўрасаюза. Гэта значыць будаўнічая галіна – гэта тая галіна эканомікі, на якую Брусель адшпільвае грошы ў абавязковым парадку. Гэта значыць, усе праекты, якія падаюцца пад соусам рускай або беларускай пагрозы, пазаточваны на тое, каб выбіць чарговы транш фінансавай дапамогі", - падкрэслівае эксперт.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Польскія сілавікі зноў спрабавалі выціснуць бежанцаў у Беларусь
У балоце за 10 кіламетраў ад Літвы знайшлі мігрантаў: ім дапамаглі ратавальнікі
Літва завяршыла будаўніцтва загароды на мяжы з Беларуссю
Як выглядае плот Польшчы на мяжы з Беларуссю – фота
Хтосьці з'ехаў у Ірак, хтосьці - у Еўропу: лёс мігрантаў з ТЛЦ "Брузгі"