МІНСК, 7 ліс – Sputnik. НАТА не зможа перамагчы армію Расіі. Такое меркаванне выказаў былы саветнік міністра абароны ЗША палкоўнік Дуглас МакГрэгар, піша The American Conservative.
"Белы дом, здаецца, разглядае магчымасць выкарыстання сіл НАТА, у аснове якіх будуць амерыканскія салдаты, супраць Расіі", - гаворыцца ў матэрыяле.
Аднак аўтар артыкула сумняваецца, што ў здольнасці кааліцыі сабраць неабходныя ваенныя сродкі, каб супрацьстаяць расійскай арміі.
"Малаверагодна, што традыцыйная амерыканская зброя зможа атрымаць верх над ваеннай магутнасцю Расіі. Адсутнасць канкрэтных мэт таксама ставіць пад сумненне здольнасць НАТА перамагчы расійскія сілы", – удакладніў Макгрэгар.
Паводле яго слоў, Масква "валодае поўнай уладай над усёй арміяй", а расійскія салдаты разумеюць, за што змагаюцца. Акрамя таго, у РФ ёсць саюзнікі ў Еўропе.
МакГрэгар лічыць, што амерыканцам не варта чакаць вернасці ад сваіх саюзнікаў. "Ці змогуць краіны адсунуць у бок свае нацыянальныя інтарэсы?" - задаўся пытаннем палкоўнік.
Цана правалу шматнацыянальных сіл НАТА ва Украіне, упэўнены Макгрэгар, будзе вельмі высокая. Амерыканскі ваенны дух, паводле яго слоў, пасля няўдач у Іраку і Афганістане і так знаходзіцца на нізкім узроўні. А эканамічныя перспектывы Вашынгтона – яшчэ больш змрочныя.
Раней генеральны сакратар НАТА Йенс Столтэнберг заявіў, што перамога Расіі ў канфлікце на Украіне стане паражэннем для альянсу і гэтага дапусціць нельга.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Шайгу: дзеянні НАТА ставяць пад пагрозу Беларусь
Захарава растлумачыла, навошта Кіеў выкарыстоўвае ядзерны шантаж
Расія паведаміла ЗША аб правядзенні вучэнняў ядзерных сіл
Лукашэнка: Захад не хоча чуць Пуціна, а трэба было б
Ні адна дзяржава СНД не застрахавана ад умяшання ЗША – Лаўроў