МІНСК, 16 ліс – Sputnik. Заявы аб "расійскіх ракетах", якія ўпалі на тэрыторыі Польшчы, з’яўляюцца наўмыснай правакацыяй, заявілі ў Мінабароны Расіі.
"Заявы розных украінскіх крыніц і замежных афіцыйных асоб аб падзенні ў населеным пункце Пшэводуў нібыта "расійскіх ракет" з’яўляюцца наўмыснай правакацыяй з мэтай эскалацыі абстаноўкі", - адзначаецца ў паведамленні ведамства.
У міністэрстве паведамілі, што апублікаваныя ў сетцы фотаздымкі абломкаў ракет – не што іншае, як элементы зенітнага кіраванага снарада комплексу С-300, якія стаяць на ўзбраенні УСУ. Да такой высновы прыйшлі расійскія спецыялісты.
У Мінабароны дадалі, што расійскія войскі ў аўторак 15 лістапада наносілі высокадакладныя ўдары па ваенных аб'ектах Украіны, усе ракеты трапілі дакладна ў цэль. Там таксама ўдакладнілі, што ўдары наносіліся на адлегласці не бліжэй за 35 км ад украінска-польскай мяжы.
Удараў па Кіеве таксама не было
У ведамстве асабліва падкрэслілі, што падчас масіраваных удараў па ваенных аб'ектах Украіны ні адна расійская ракета не была нацэлена або скінута на Кіеў.
"Усе разбурэнні ў жылых кварталах ўкраінскай сталіцы, якія дэманструюцца кіеўскім рэжымам, з'яўляюцца прамым следствам падзення і самаліквідацыі выпушчаных украінскімі войскамі зенітных ракет з размешчаных у межах горада ўкраінскіх і замежных комплексаў супрацьпаветранай абароны", – растлумачылі ў Мінабароны РФ.
Ракетны інцыдэнт у Польшчы
Увечары ў сераду, 15 лістапада, польскія СМІ паведамілі аб тым, што на зернесушылку непадалёк ад мяжы з Украінай упалі дзве ракеты. У выніку загінулі два чалавекі.
МЗС Польшчы заявіла, што снарады былі расійскай вытворчасці. Пазней прэзідэнт краіны Анджэй Дуда заявіў аб тым, што не мае дакладнай інфармацыі аб тым, чые менавіта гэта былі ракеты.
На фоне здарэння раніцай 16 лістапада прайшла экстранная сустрэча лідараў краін G7 і НАТА, якія знаходзяцца цяпер на саміце G20 на Балі. Паводле яе вынікаў прэзідэнт ЗША Джо Байдэн заявіў, што, паводле папярэдняй інфармацыі, ракета, якая ўпала ў Польшчы, ляцела не з Расіі.
Пазней СМІ паведамілі аб тым, што ракета была выпушчана ўкраінскімі войскамі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Захад павышае верагоднасць пачатку сусветнай вайны – Мядзведзеў
Ракету, якая ўпала ў Польшчы, выпусцілі ўкраінскія войскі – СМІ
Барэль заклікаў Еўрасаюз узмацніць агульныя закупкі ўзбраення