Барэль заклікаў Еўрасаюз узмацніць агульныя закупкі ўзбраення

© Sputnik / Алексей Витвицкий / Перайсці ў медыябанкВярхоўны прадстаўнік ЕС па бяспецы Жазэп Барэль
Вярхоўны прадстаўнік ЕС па бяспецы Жазэп Барэль - Sputnik Беларусь, 1920, 15.11.2022
Падпісацца на
НовостиTelegram
Раней палітык заяўляў, што Еўрапейскаму саюзу неабходна прыстасаваць інфраструктуру дарог і транспарту для хуткай перакідкі ваеннай тэхнікі да меж.
МІНСК, 15 ліс – Sputnik. Агульная палітыка абароны і бяспекі Еўрасаюза, уключаючы сумесныя закупкі ўзбраення, павінна быць узмоцнена, аб гэтым заявіў вярхоўны прадстаўнік ЕС па бяспецы Жазэп Барэль.
Пасяджэнне кіраўнікоў мінабароны краін Еўрасаюза праходзіць у Бруселі ў аўторак.
Па словах Барэля, зараз мяняецца ландшафт бяспекі Еўропы.

"Мы супрацьстаім выклікам, увесь кантынент пакутуе ад наступстваў вайны ва Украіне. Мы павінны ўзмацніць нашу агульную палітыку абароны і бяспекі", - сказаў ён.

Палітык мяркуе, што міністры краін ЕС павінны ацаніць магчымасці еўрапейскіх войск, пагаварыць аб патрэбах і больш эфектыўным узаемадзеянні з мэтай умацавання агульных абаронных намаганняў, аднаўлення запасаў узбраенняў – у тым ліку агульных закупак.

Сілы хуткага рэагавання

Барэль таксама паведаміў, што сілы хуткага рэагавання ЕС павінны быць гатовы да разгортвання ў 2023 годзе.
Стварэнне сіл хуткага рэагавання прапісана ў агульнаеўрапейскай стратэгіі ў галіне абароны "Стратэгічны компас". Яна была прынята ў сакавіку гэтага года.
У рамках дадзенай стратэгіі сілы хуткага рэагавання павінны складацца з пяцітысячнага корпуса. Краіны Еўрасаюза павінны будуць рэгулярна праводзіць сумесныя вучэнні, павышаць ваенную мабільнасць, а таксама ўмацоўваць цывільныя і ваенныя місіі.
Аднак пры гэтым, паводле слоў Барэля, аб стварэнні адзінай еўрапейскай арміі размова не ідзе.
Раней палітык заяўляў, што Еўрапейскаму саюзу неабходна прыстасаваць інфраструктуру дарог і транспарту для таго, каб у выпадку неабходнасці хутка перакідваць ваенную тэхніку да меж, як гэтага патрабуе "асяроддзе бяспекі".
Барэль таксама мяркуе, што Еўрасаюзу ў мэтах павышэння ўласнай ваеннай мабільнасці трэба актывізаваць партнёрства не толькі з Паўночнаатлантычным альянсам, але і з Украінай, Малдовай і Балканамі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Навошта Польшчы загарода на мяжы з Калінінградам і прычым тут мігранты?
ЕК: далейшую дапамогу Кіеву павінны "благаславіць" грамадзяне Еўрасаюза
Меркель расказала, як можна дасягнуць трывалага міру ў Еўропе
ЕС гатоў да дыпламатычнага вырашэння канфлікту ва Украіне – Барэль
Украіна і Малдова атрымалі статус кандыдатаў на ўступленне ў ЕС
Стужка навiн
0