МІНСК, 18 ліс – Sputnik. Прэзідэнт Беларусі Аляксандр Лукашэнка павіншаваў народ Латвіі з гадавінай абвяшчэння Латвійскай Рэспублікі.
"Дарагія сябры, ад імя ўсіх беларусаў накіроўваю нашым братам з суседняй Латвіі сардэчныя віншаванні з нагоды Дня абвяшчэння незалежнай дзяржавы", - гаворыцца ў тэксце.
Беларускі лідар адзначыў, што народы абедзвюх дзяржаў спрадвеку жылі ў Еўропе і захоўвалі непаўторнасць і самабытнасць. Лукашэнка падкрэсліў, што і зараз Беларусь таксама застаецца міралюбівай краінай, прыхільніцай дыялогу і агульнай бяспекі ў рэгіёне.
Мінск, паводле слоў прэзідэнта, ніколі не быў ініцыятарам ваеннага канфлікту і заўсёды з дружалюбнасцю і павагай ставіўся да суседзяў – у гэтым многія маглі пераканацца, прыязджаючы ў Беларусь па бязвізавым рэжыме.
На думку Лукашэнкі, усё больш жыхароў Латвіі адчуваюць, што іх палітыкі працуюць не на карысць людзей і пазіраюць на замежных дарадчыкаў.
"Распальваючы абстаноўку, яны сцягнулі ў Прыбалтыку сілы і ўзбраенне, пабудавалі сцены, падштурхнулі вашу краіну да эканамічнай катастрофы", - мяркуе беларускі прэзідэнт.
Ён выказаў упэўненасць у тым, шматвяковыя сувязі з’яўляюцца надзейнай асновай, на якой, нягледзячы на ўсе цяжкасці, будуць адноўлены ўзаемавыгадныя прыязныя адносіны паміж Рэспублікай Беларусь і Латвійскай Рэспублікай.
"Нас не падзеляць ні штучны плот з калючым дротам, ні злачынная барацьба часовых латвійскіх кіраўнікоў з дзяржаўнымі сімваламі, гісторыяй і помнікамі продкаў!" - падкрэсліў Лукашэнка.
Кіраўнік Беларусі таксама пажадаў латвійскаму народу мірнага неба, салідарнасці і правільнага выбару.
Латвія і загарода
Год таму заходнія суседзі абвінавацілі Беларусь у патоку нелегальных мігрантаў, што стала падставай для будаўніцтва загарод.
Латвія следам за Літвой і Польшчай узялася за ўзвядзенне плота на мяжы з Беларуссю. Літва і Польшча свае будаўніцтва ўжо завяршылі, сцяна з латвійскага боку знаходзіцца ў працэсе будаўніцтва. Агульная працягласць мяжы Латвіі з Беларуссю складае 173 кіламетры, пакуль пабудавана 60 км загароды.
Пры гэтым для суседніх краін у Беларусі ўведзены бязвізавы рэжым, ён будзе дзейнічаць да канца года. Грамадзяне Латвіі знаходзяцца на другім месцы па колькасці тых, хто наведаў рэспубліку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Латыш збег з сям’ёй з Латвіі, каб жыць у беларускай глыбінцы
У ДПК распавялі, у каго з краін-суседзяў больш папулярны беларускі бязвіз