МІНСК, 19 ліс – Sputnik. Беларуская тэнісістка Арына Сабаленка, якая займае 5-е месца ў сусветным рэйтынгу, зарабіла за сезон 2,5 млн долараў, паведамляе выданне Relevant Tennis.
Такім чынам, яна стала адной з самых высокааплатных тэнісістак на планеце. Больш за ўсіх у гэтым годзе атрымала першая ракетка свету полька Іга Свёнтэк – у яе 9,9 млн долараў. На другім месцы – прадстаўніца Туніса Онс Жабер з "кушам" у 5 млн долараў, на трэцім – францужанка Каралін Гарсія з 3,7 млн долараў.
У гэтым сезоне Сабаленка не выйграла ніводнага тытула, аднак была блізка да перамогі як мінімум у трох турнірах. У красавіку яна гуляла ў фінале спаборніцтваў у Штутгарце і саступіла Ізе Свёнтэк. У чэрвені беларуска прайграла ў галоўным матчы чэмпіянату Расмалена на травяных кортах у Нідэрландах, аддаўшы тытул расіянцы Кацярыне Аляксандравай. А ў фінале выніковага турніру WTA у лістападзе Арына саступіла францужанцы Каралін Гарсіі.
Больш за ўсё Сабаленка атрымала за выхад у фінал турніру WTA – 750 тысяч долараў, а таксама за паўфінал US Open – 705 тысяч долараў. СМІ паведамляюць, што за сваю кар’еру беларуская тэнісістка зарабіла ўжо больш за 12 млн долараў. Цяпер пятая ракетка свету адпачывае пасля цяжкага сезона на пляжы ў Фларыдзе.
Што тычыцца іншых тэнісістак з Беларусі, Вікторыя Азаранка, якая займае 27-ы радок у рэйтынгу, зарабіла 1,12 млн долараў, а 31-я ракетка Аляксандра Сасновіч – амаль 800 тысяч долараў.
У мінулым сезоне самыя вялікія прызавыя былі на турнірах Вялікага шлема – Australian Open, Ралан Гаросе, Уімблдоне і US Open. Іх сумарны прызавы фонд склаў амаль 200 млн долараў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Міністэрства спорту назвала колькасць сумесных спартыўных мерапрыемстваў Беларусі і Расіі
Бразілія выйграе чэмпіянат свету, лічыць Пеле
Спартсмены з РФ і Беларусі не пахіснуліся ва ўмовах санкцый – Матыцын
"Дынама" паказала свой характар: Вудкрафт аб перамозе над "Спартаком"