МІНСК, 25 ліс – Sputnik. Аляксандр Лукашэнка расказаў беларусам, што значыць свабода і незалежнасць. Паразважаў ён аб гэтым падчас нарады ў Гомелі па пытаннях развіцця АПК.
Ён нагадаў, што цяпер вельмі сур’ёзны час: або краіна страціць суверэнітэт, або давядзецца думаць пра іншыя варыянты – але "гэта ўжо без мяне", заявіў Лукашэнка.
"Калі хтосьці разумее гэтую свабоду і незалежнасць, што "я што хачу, тое і варачу" – хачу працую, хачу не – ні ў адной дзяржаве гэтага няма і не будзе. Свабода і незалежнасць – гэта магчымасці", - цытуе прэзідэнта БелТА.
Пры гэтым Аляксандр Лукашэнка пацікавіўся, няўжо беларусы жадаюць хадзіць пад бізуном? Але такое ўжо з краінай было 80 гадоў, па Беларусі прайшліся моцна – да гэтага часу "чхаем".
"Што яшчэ трэба? Хочаце пад бізуном чыімсьці пахадзіць, паходзіце. Але тады з вамі размаўляць вось у такім складзе ніхто не будзе. Возьмуць бізун, і будзеце бегчы наперадзе. Скапыціцеся, як у народзе кажуць, адстанеце, вы ведаеце, што будзе", - заявіў прэзідэнт.
Лукашэнка, гаворачы аб сітуацыі вакол, падкрэсліў, што пытанне сёння стаіць востра: і ў Гомельскай вобласці гэта адчулі, але не так моцна, проста "душок панюхалі".
"Не хочацца, каб нашы дзеці ўзялі стрэльбу і пайшлі абараняць сваю краіну. Мне гэта абсалютна не хочацца. Калі камусьці з вас хочацца, устаньце і скажыце – мы забяспечым. Таму лепш давайце мы з вамі сціснуўшы зубы будзем працаваць і выдаваць вынік", - дадаў Аляксандр Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Абнаўленне Канцэпцыі нацбяспекі Беларусі амаль завершана – Рахманаў
Лукашэнка заявіў аб напружаным становішчы на мяжы Беларусі