МІНСК, 13 сне – Sputnik. Законапраект аб Усебеларускім народным сходзе актыўна абмяркоўваўся ў грамадстве, заявіў кіраўнік Беларусі Аляксандр Лукашэнка ў Палацы Незалежнасці на спецыяльнай нарадзе.
Пры гэтым ён нагадаў, што даваў даручэнне расказаць аб змесце законапраекта аб УНС грамадзянам рэспублікі і атрымаць зваротную сувязь, каб дапрацаваць яго да прыняцця.
"Вынікі праведзенай работы – галоўнае, што хацелася б сёння пачуць, каб прыняць рашэнне на гэтым узроўні", - сказаў беларускі лідар.
У сваю чаргу ўдзельнікі нарады яго запэўнілі, што дыскусія аб УНС атрымалася актыўнай.
"УНС – стабілізатар нашага грамадства. У гэтым яго галоўная роля – стабілізаваць грамадства на ўсіх этапах яго развіцця", - цытуе Лукашэнку яго прэс-служба.
Паводле слоў прэзідэнта, у законапраекце ўлічылі многія прапановы, якія яго палепшылі – гэта важна, улічваючы ролю УНС, якое з’яўляецца прадстаўнічым органам па Канстытуцыі, вышэйшым органам народаўладдзя.
"Пра тое, што УНС набудзе такі статус, гаварылася яшчэ на самым першым сходзе тым дэлегатам, якія бралі ўдзел у ім", - нагадаў у чарговы раз кіраўнік дзяржавы.
Лукашэнка мяркуе, што ў выпадку неабходнасці менавіта на пляцоўцы УНС будуць праходзіць абмеркаванні і дасягацца неабходныя дамоўленасці. Таму яно працягне сваю працу з пэўным дадатковым функцыяналам.
"Сустракацца будзем часцей, мінімум адзін раз у год. Як я ўжо раней гаварыў па-простаму, па-народнаму: сабраліся, абмеркавалі тое ці іншае важнейшае пытанне, прынялі рашэнне і паехалі рабіць у працоўныя калектывы, паколькі гэта не пастаянна дзеючы орган", - падкрэсліў сітуацыю беларускі лідар.
Прафесіяналы, а не вясельныя генералы
На думку кіраўніка дзяржавы, адной з важнейшых якасцей УНС з’яўляецца рознабаковае прадстаўніцтва, таму што там будуць працаваць на грамадскіх пачатках прадстаўнікі розных сфер грамадства.
Лукашэнка звярнуў увагу, што людзі паставілі пытанне аб тым, ці не стане УНС чарговым зборышчам чыноўнікаў. Мусіць, справа ў тым, што да працоўных калектываў не дайшлі з тлумачэннямі, што на 90% УНС будзе складацца з іх прадстаўнікоў.
"Гэта павінны быць прафесіяналы. Гэта не вясельныя генералы, якія прыехалі, пасядзелі, нехта нешта зразумеў – не зразумеў, адсядзеў, з’ехаў. Такіх там быць не павінна", - растлумачыў ён.
Паважаныя людзі ва УНС
Беларускі лідар асабліва адзначыў, што сярод дэлегатаў павінны быць вопытныя людзі, таму што яны будуць вырашаць стратэгічныя пытанні жыцця краіны і грамадства. А дэлегаты потым зробяць справаздачу перад сваімі калектывамі пасля УНС.
"Нягледзячы на тое, што ў складзе УНС будуць паважаныя людзі, яно не можа ўмешвацца ў дзейнасць іншых органаў, падмяняць іх, выконваць іх функцыі. Усебеларускі народны сход, па сутнасці, павінен захавацца як палітычны інстытут, а не перарасці ў нейкі бюракратычны орган", - папярэдзіў Аляксандр Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Тэрміны паўнамоцтваў некаторых дэлегатаў УНС прапанавалі абмежаваць
Грамадскае абмеркаванне законапраекта аб УНС завяршаецца ў Беларусі
Лукашэнка канстатаваў, што "людзі часам не зусім разумеюць сутнасць УНС"