МІНСК, 20 сне – Sputnik. Калі Мінск пашырыць падтрымку Масквы падчас спецыяльнай ваеннай аперацыі, то ЗША ўзмоцняць санкцыі ў дачыненні да Беларусі. Аб гэтым заявіў афіцыйны прадстаўнік дзярждэпартамента Нед Прайс на прэс-канферэнцыі па выніках візіту Уладзіміра Пуціна ў Беларусь.
Вашынгтон папярэдзіў, што будуць уважліва сачыць, ці пачне Беларусь больш актыўна падтрымліваць Расію ў спецаперацыі ва Украіне.
"Калі ўбачым для гэтага патэнцыял, то адрэагуем адпаведным чынам, прыменім дадатковыя меры для прыцягнення рэжыму Лукашэнкі (прэзідэнта Беларусі Аляксандра Лукашэнкі - Sputnik) да адказу за тое, што па сутнасці з’яўляецца саўдзелам", - заявіў Нэд Прайс.
На яго думку, у Беларусі больш няма суверэнітэту, бо тут разгортваюцца расійскія войскі.
Аднак у гэты ж час базы ЗША працягваюць нарастаць у розных кропках свету.
Умяшанне ў справы
Спробы ЗША ўбіць клін у адносіны Расіі з суседзямі не будуць паспяховымі, а каментарыі Вашынгтона слоў Уладзімір Пуціна аб "незацікаўленасці ў паглынанні якой-небудзь краіны" з’яўляюцца адкрытым умяшаннем ва ўнутраныя справы Саюзнай дзяржавы, аб гэтым заявіла пасольства РФ.
Там падкрэслілі, што "комплекснае і ўзаемавыгаднае супрацоўніцтва" Масквы і Мінска праверана часам і грунтуецца "на шчырым сяброўстве брацкіх народаў дзвюх краін".
"Ва ўмовах, калі на нас аказваецца беспрэцэдэнтны націск з боку калектыўнага Захаду на чале з ЗША, натуральная рэакцыя – дадаткова паглыбіць узаемадзеянне", - гаворыцца ў каментарыі пасольства.
Даць адпор
Нагадаем, у кастрычніку Уладзімір Пуцін і Аляксандр Лукашэнка дамовіліся аб размяшчэнні на тэрыторыі рэспублікі рэгіянальнай групоўкі войск у сувязі з узрастаючай пагрозай і для абароны Саюзнай дзяржавы.
Лукашэнка не раз папярэджваў, што ў выпадку нападзення Беларусь і Расія годна адкажуць тым, хто замахнецца на тэрытарыяльную цэласнасць краіны – у рэспублікі ёсць шэраг адпаведных дамоўленасцяў з Масквой для абароны суверэнітэту.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларусь паставіла на баявое дзяжурства комплексы С-400 і "Искандер"
Пуцін: у Расіі няма зацікаўленасці паглынаць Беларусь
Лукашэнка ўпэўнены, што людзі ацэняць рашэнні яго і Пуціна
Прэс-канферэнцыя Лукашэнкі і Пуціна па выніках перагавораў у Мінску – відэа
Зась: вучэнні Расіі і Беларусі з’яўляюцца мерамі стратэгічнага стрымлівання