МІНСК, 27 сне – Sputnik. У 2023 годзе ў Беларусі будзе стабілізавана здабыча нафты, заявіў у аўторак журналістам гендырэктар "Беларуснафты" Аляксандр Ляхаў, перадае карэспандэнт Sputnik.
"Мы плануем здабыць не менш за 1,8 мільёна тон нафты", - адказаў на пытанне аб планах здабычы на будучы год кіраўнік прадпрыемства.
Па яго словах, гэта мінімальная лічба на 2023 год. У "Беларуснафце" ўжо сфарміравана адпаведная праграма, але рост здабычы "чорнага золата" будзе залежаць ад адкрыцця новых аб’ектаў.
"Мы над гэтым сёння актыўна працуем", - запэўніў Ляхаў.
Пры гэтым ён адзначыў, што вялікі задзел быў зроблены ў папярэднія гады, а самым удалым аказаўся мінулы год.
Нафты хопіць на 25 гадоў
"Гэта дазваляе разлічваць, як мінімум, на стабілізацыю здабычы ў 2023 годзе, але будзем старацца працаваць на рост", - упэўнены гендырэктар.
На яго думку, калі здабываць 1,8 мільёна тон нафты за год, то запасаў сыравіны ў рэспубліцы хопіць арыенціровачна на 25 гадоў.
Аляксандр Ляхаў нагадаў, што зараз кампанія працуе і за мяжой. Асноўны здабываючы праект рэалізоўваецца ў Расіі.
"Здабыча ў Расіі няўхільна расце і ўсё складваецца паспяхова", - падкрэсліў ён.
Пасля чаго дадаў, што невялікі праект у Эквадоры працягвае працу, ёсць праект і ў Венесуэле, дзе "Беларуснафта" прысутнічае як акцыянер.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларусь дамовілася аб пастаўках нафты з Расіі на 2023 год
"Беларуснафта" ў 10 разоў нарасціла здабычу ў Заходняй Сібіры
Пад Рэчыцай выбухам бураць новую нафтавую свідравіну – відэа
Кітай дапаможа Беларусі бурыць нафтавыя свідравіны
У "Беларуснафце" расказалі аб запасах нафты ў рэспубліцы