У "Беларуснафце" расказалі аб запасах нафты ў рэспубліцы

Праект Рэчыцанафта "Лічбавае радовішча"
Праект Рэчыцанафта Лічбавае радовішча - Sputnik Беларусь, 1920, 05.09.2022
Падпісацца на
НовостиTelegram
Каля 60% беларускай нафты адносіцца да лёгкай, а ўсё астатняе – да сярэдняй, і толькі 5% – да цяжкай бітумінознай нафты.
МІНСК, 5 вер – Sputnik. Пачатковыя геалагічныя запасы нафты ў Беларусі складаюць каля 500 мільёнаў тон, паведаміла начальнік цэнтра апрацоўкі, даследавання і захоўвання керна БелНДПІнафта вытворчага аб’яднання "Беларуснафта" Ганна Ярашэнка ў эфіры тэлеканала СТБ.
Паводле яе інфармацыі, пачатковыя геалагічныя запасы краіны складаюць каля 500 мільёнаў тон, а рэшткавыя вымаемыя – 50 мільёнаў тон.
"Для нашай нафтагазаноснай правінцыі гэта нядрэнны сярэдні вынік", - лічыць эксперт.
Цяпер у Беларусі вядзецца пошук і разведка ў Хойніцкім, Лоеўскім і Брагінскім раёнах Гомельскай вобласці. Ужо адкрыта 94 нафтавыя і газавыя радовішчы.
Для пошукава-разведачнага свідравання і сейсмаразведачных работ прымяняюцца сучасныя тэхналогіі. Яны, паводле слоў Ярашэнкі, дазваляюць дастаткова паспяхова ажыццяўляць пошук нафты нават у тых раёнах, дзе на гэта "ніхто раней і не разлічваў нават".

Якасць беларускай нафты

Гаворачы аб якасці айчыннай нафты, начальнік цэнтра адзначыла, што каля 60% беларускай нафты адносіцца да лёгкай, а ўсё астатняе – да сярэдняй. І толькі 5% адносіцца да цяжкай бітумінознай нафты, дадала эксперт.

Задача – спрасціць здабычу

Ярашэнка паведаміла, беларускія вучоныя пастаянна працуюць над спрашчэннем працэсу здабычы нафты. Для гэтага існуюць лічбавыя тэхналогіі, моцная лабараторна-прыборная база для даследавання нафты і горных парод. Усё гэта дапамагае нафтавікам зразумець, дзе залягае нафта і якой яна якасці.
"Гэта значыць, трэба менш затрат, каб вызначыць, дзе нафта, якой яна якасці і якая яе колькасць", - дадала яна.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Пад Рэчыцай выбухам бураць новую нафтавую свідравіну – відэа
Праект дагавора аб адзіным рынку нафты з РФ будзе гатоў да сярэдзіны 2023 года
Санкцыі ў мінулым: "Нафтан" выходзіць на прыбытковую працу
Стужка навiн
0