МІНСК, 30 сне – Sputnik. Беларусь праводзіць міралюбівую палітыку, замацаваную на вышэйшым канстытуцыйным узроўні, сказаў у інтэрв’ю Sputnik дзяржсакратар Савета Бяспекі Аляксандр Вальфовіч.
Паводле яго слоў, у рэспубліцы прынята і дзейнічае празрыстая і зразумелая для ўсіх абарончая дактрына. У той жа час, вядомая мудрасць абвяшчае: "Хочаш міру – рыхтуйся да вайны".
Вальфовіч канстатаваў, што на гэты момант абстаноўка на мяжы застаецца напружанай, адзначаецца нарошчванне інтэнсіўнасці разведвальных мерапрыемстваў, у тым ліку з прымяненнем БПЛА з заходам на тэрыторыю Беларусі.
"Кіеў любымі шляхамі імкнецца справакаваць рэгіянальны канфлікт. Украінскаму боку недастаткова вайны на сваёй тэрыторыі. Прыкладам таму нядаўні інцыдэнт са знішчэннем ўкраінскай ракеты С-300. Прычыну яе прылёту на нашу тэрыторыю мы высветлім. Але гарантыі таго, што яна заляцела да нас выпадкова, вельмі мала. Па ўсёй бачнасці, тут рэалізуецца нечая задума", - лічыць дзяржсакратар Савета бяспекі.
Ён адзначыў, што ў Мінску выдатна разумеюць, "хто стаіць за такімі безадказнымі дзеяннямі". "Але, упэўнены, такія правакацыйныя спробы штучна сфарміраваць casus belli (падстава для вайны) беспаспяховыя", - дадаў Вальфовіч.
Беларускія ўлады, нагадаў ён, дакладна абазначылі ў дачыненні да суседзяў "чырвоныя лініі". Абстаноўка каля меж уважліва адсочваецца. Прыкрыццё беларускіх рубяжоў ажыццяўляецца пры дапамозе воінскіх часцей са складу сіл неадкладнага рэагавання беларускай арміі.
"Магу з поўнай упэўненасцю сказаць, мы здольны адказаць на любыя выклікі і пагрозы і, паверце, мала не здасца", - асабліва падкрэсліў Аляксандр Вальфовіч.
Падрабязнасці – у эксклюзіўным інтэрв'ю Аляксандра Вальфовіча Sputnik Беларусь.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мінабароны разглядае дзве версіі інцыдэнту з украінскай ракетай
МЗС Беларусі пракаменціравала інцыдэнт з украінскай ракетай
Мінабароны: украінскую ракету збіла СПА Беларусі
Украінская ракета ўпала на тэрыторыю Беларусі