Армія Расіі ўзяла пад кантроль пасёлак Соль у ДНР

МІНСК, 18 сту – Sputnik. Расійскія войскі вызвалілі населены пункт Соль у Данецкай народнай рэспубліцы, паведамілі ў Мінабароны РФ.

Пасёлак знаходзіцца ў раёне аднайменнай чыгуначнай станцыі на паўночны захад ад Салядара, аб узяцці якога ведамства паведаміла на мінулым тыдні.

Адзначаецца, што ў вызваленні населенага пункта Соль удзельнічалі добраахвотнікі штурмавых атрадаў, ім дапамагала вайсковая і аператыўна-тактычная авіяцыя.

Таксама за суткі на гэтым напрамку расійскія войскі знішчылі да 90 украінскіх ваенных, тры баявыя бронемашыны, чатыры спецаўтамабілі, гаўбіцу "Мста" і комплекс РСЗА "Град".

На купянскім напрамку ў мінулыя суткі працавала расійская артылерыя. Разлікі Заходняй ваеннай акругі разбілі пазіцыі падраздзяленняў 14-й, 92-й механізаваных брыгад УСУ і 103-й брыгады тэрытарыяльнай абароны, якія размяшчаліся паблізу населеных пунктаў Двурэчнае, Крухмальнае Харкаўскай вобласці і Навасёлаўскае ў ЛНР.

Па даных Мінабароны Расіі, знішчана больш за 60 украінскіх вайскоўцаў, БТР, артсістэма М777, два аўто і два пікапы. Расійскія вайскоўцы нанеслі ўдары па ўкраінскіх падраздзяленнях і на чырвона-ліманскім напрамку.

Страты УСУ на гэтым участку склалі больш за 90 ваенных Украіны, адна БМП і тры бронемашыны. Таксама знішчаны дзве амерыканскія РЛС і радыёлакацыйная станцыя выяўлення і суправаджэння цэлей СТ-68.

Да 90 вайскоўцаў украінская армія страціла і на паўднёва-данецкім напрамку, спрабуючы атакаваць у напрамку пасёлкаў Стэпавае, Салодкае і Ураджайнае ў ДНР. Іх атакі спынілі артылерысты Усходняй і Паўднёвай ваенных акруг, а таксама марпехі Ціхаакіянскага флоту.

Расійская СПА знішчыла за мінулыя суткі сем украінскіх беспілотнікаў, таксама перахоплены рэактыўны снарад сістэмы "Альха". У сваю чаргу знішчальнікі ПКС Расіі збілі ўкраінскі штурмавік Су-25 у раёне вёскі Ябланаўка.

Усяго з пачатку спецаперацыі расійскія авіятары знішчылі ўжо 373 самалёты. Акрамя таго, збіта і знішчана 200 верталётаў, 2 898 дронаў, 401 зенітны ракетны комплекс, 7 563 танкі і іншыя бронемашыны, 985 сістэм залпавага агню, 3 855 гармат палявой артылерыі і мінамётаў, а таксама 8 101 адзінка спецыяльнай аўтатэхнікі.