МІНСК, 21 сту – Sputnik. Аператарам новага беларускага банка даных аб фактах хатняга гвалту будзе МУС, вынікае з афіцыйна апублікаванага дакумента.
"Міністэрству ўнутраных спраў да 1 ліпеня 2024 года забяспечыць стварэнне рэестра інфармацыі аб фактах хатняга гвалту", - сказана ў пастанове, падпісанай прэм’ер-міністрам Раманам Галоўчанкам.
Да гэтага ж тэрміну банк даных плануюць інтэграваць у агульнадзяржаўную аўтаматызаваную інфасістэму.
Даныя аб фактах хатняга гвалту будуць уносіць на працягу сутак. Магчымы доступ да гэтай базы не толькі супрацоўнікаў МУС, але таксама ААЦ ці КДБ па дамовах з міліцэйскім ведамствам. Інфармацыю ў рэестры могуць карэкціраваць. Напрыклад, калі спынілася адміністрацыйная справа па факце хатняга гвалту. Або раней былі недакладнасці даных. Могуць быць і іншыя прычыны.
Што будзе рабіць міліцыя
Штодзень (у працоўныя дні) будзе ісці маніторынг рэестра. Інфармацыю аб кожным факце хатняга гвалту трэба будзе дакладваць кіраўніцтву "ўліковага падраздзялення". Не пазней за адзін працоўны дзень пасля атрымання звестак міліцыя павінна праводзіць праверку.
Абяцаецца абарона асабістых даных, якія будуць у рэестры.
"Персанальныя даныя, змешчаныя ў рэестр, тэрміны захоўвання якіх у рэестры скончыліся, аўтаматычна выдаляюцца з магнітных (электронных) носьбітаў інфармацыі спосабам, які перашкаджае яе наступнаму аднаўленню", - гаворыцца ў дакуменце.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
У Беларусі шукаюць шляхі скараціць колькасць разводаў у краіне
Колькі шматдзетных сямей атрымалі жыллё ў 2022-м, расказаў Мінгарвыканкам
Беларусы сталі пазней уступаць у шлюб