МІНСК, 22 сту – Sputnik. Са студзеня бягучага года стартаваў другі сезон міжнароднага конкурсу навукова-даследчых работ "Литературные судьбы Беларуси и России: от диалога к пониманию", паведамілі Sputnik арганізатары конкурсу.
Ініцыятыва накіравана на тое, каб у чарговы раз падкрэсліць падабенства культур брацкіх народаў Расіі і Беларусі.
У гэтым сезоне конкурс прысвечаны вывучэнню творчасці двух знакамітых пісьменнікаў XX стагоддзя: Алеся Адамовіча і Данііла Граніна, якія сумесна стварылі "Блокадную книгу", унікальную дакументальную хроніку блакады Ленінграда ў гады Вялікай Айчыннай вайны.
Конкурс будзе праходзіць у два этапы: на адборачным неабходна прадставіць у пісьмовай форме навукова-даследчую працу, а на заключным – выступіць перад публікай з дакладамі аб выніках даследавання.
Для ўдзелу трэба папярэдне азнаёміцца з Палажэннем і Рэгламентам. Пасля чаго падрыхтаваць навукова-даследчую працу па адной з прапанаваных тэм і зарэгістравацца, даслаўшы анкету на электронны адрас lit.competition@spbu.ru. Прайсці рэгістрацыю і адборачны этап можна да 20 лютага бягучага года.
Больш падрабязная інфармацыя аб тэрмінах, умовах удзелу і тэмах прац размешчана на старонцы конкурсу.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Моладзь Беларусі праяўляе цікавасць да вучобы ў ВНУ РФ – Рассупрацоўніцтва
Рассупрацоўніцтва ўзмоцніць актыўнасць у рэгіёнах Беларусі
Рускі Дом у Беларусі: вынікі працы і перспектывы – відэа