МІНСК, 3 лют – Sputnik. Як ідзе рэалізацыя праекта "Еўразійскі экспрэс", расказала ў пятніцу ў МПЦ Sputnik Беларусь афіцыйны прадстаўнік Еўразійскай эканамічнай камісіі Ія Малкіна.
Нагадаем, 2-3 лютага ў Алматы прайшло пасяджэнне Еўразійскага міжурадавага савета, прэм’еры Расіі, Беларусі, Арменіі, Казахстана і Кыргызстана абмяркоўвалі надзённыя пытанні ў рамках ЕАЭС.
"Магу адзначыць, што толькі з 1 студзеня па 31 кастрычніка 2022 года ўжо перавезена каля 482 тысяч тон прадукцыі, у тым ліку больш за 260 тысяч тон рэфрыжэратарных грузаў", - праінфармавала яна.
Што датычыцца наменклатуры, то ключавую ролю тут адыгрывае плодаагароднінная, кансервавая прадукцыя, мяса курыцы, ялавічыны, маслатлушчавая прадукцыя і шэраг іншых тавараў АПК.
Паводле слоў Малкінай, у рамках праекта ўжо сфарміраваны ўласны парк рэфрыжэратарных кантэйнераў у колькасці 500 адзінак.
"Мы плануем, што ў 2023 годзе гэты парк будзе павялічаны да 1000 адзінак. Ну і дадаткова на ўмовах арэнды прапрацоўваецца пытанне ад партнёрскіх кампаній прыцягнуць да 700 адзінак рэфрыжэратарных кантэйнераў", - падкрэсліла яна.
Што за праект?
Сумесны лагістычны праект "Еўразійскі экспрэс" быў запушчаны краінамі-членамі ЕАЭС у лютым 2022 года. Яго мэта – бесперашкодная перавозка тавараў ва ўнутрысаюзных зносінах, а таксама па двух экспартных маршрутах – у Кітай і Узбекістан. Не выключана, што з цягам часу экспарт будзе пашырацца і на іншыя краіны.
"На сённяшні дзень працэс стварэння Еўразійскага аграэкспрэса, самога праекта, знаходзіцца ў завяршальнай стадыі. Мы ў першую чаргу робім акцэнт на фарміраванні парку кантэйнераў, якія дазволілі б павялічыць колькасць грузаў, якія перавозяцца. З пункту гледжання глабальнасці гэтага праекта, я б сказала, што ён пакуль што толькі ў самым пачатку", - падсумавала Малкіна.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Якія праекты стануць ключавымі ў ЕАЭС у 2023 годзе – відэа
Як санкцыі адбіліся на лічбавізацыі, распавёў Галоўчанка
Папярэднія вынікі – 2022: аб’ём узаемнага гандлю ў ЕАЭС вырас