МІНСК, 3 лют – Sputnik. Стан здароўя арыштаванага ў Латвіі шэф-рэдактара Sputnik Літва Марата Касема крытычны, заявіла яго адвакат, падкрэсліўшы, што яе падабароннаму неадкладна патрабуецца медыцынская дапамога.
"Як паведамляе адвакат, умовы ўтрымання ў турме Марата Касема трапляюць пад дзеянне Канвенцыі па прадухіленні катаванняў. З 30 студзеня Касема без падстаў перавялі ў корпус да асуджаных зняволеных і змясцілі ў адзіночную камеру. Ва ўмовах антысанітарыі і насякомых у Касема выявілася алергія", - інфармуе Sputnik Блізкае замежжа ў сваім Telegram-канале.
Адвакат адзначыла, што ў Марата Касема праблемы з дыханнем, з-за чаго ён вымушаны адчыняць у камеры акно, а спаць яе падабароннаму прыходзіцца ў шапцы і верхнім адзенні. Акрамя таго, у Касема абвастрылася падагра – не слухаюцца пальцы на нагах, дадала праваабаронца.
Яна падкрэсліла, што на скаргі Марата Касема, у тым ліку і на стук ў дзверы, ніхто ў латвійскай турме не рэагуе. Яго таксама абмяжоўваюць у званках адвакату: патэлефанаваць дазволілі толькі на трэці дзень, хаця па законе ён мае права на такі званок у любы час сутак.
Па словах адваката, турэмны лекар холадна паставіўся да скарг і дыягназу Марата Касема і выдаў яму простыя таблеткі ад алергіі.
"Стан здароўя Марата крытычны. У дадзены момант адвакат рыхтуе скаргу і патрабуе медыцынскага агляду свайго падабароннага", - дадае Sputnik Блізкае замежжа.
Нагадаем, пра затрыманне Касема спецслужбамі Латвіі стала вядома 5 студзеня. У гэты ж дзень прайшло пасяджэнне суда, на якім разглядалася пытанне аб абранні меры стрымання.
Адвакат Касема настойвала на тым, каб яго адпусцілі пад заклад, аднак суд прыняў рашэнне абраць меру стрымання ў выглядзе ўтрымання пад вартай. У той жа дзень журналіста ўжо перавялі ў рыжскую Цэнтральную турму.
Была пададзена апеляцыя, аднак 18 студзеня рыжскі суд пакінуў Касема пад вартай.
Марат Касем – грамадзянін Латвіі, некалькі гадоў жыве і працуе ў Маскве ў медыягрупе "Россия сегодня", куды ўваходзіць і Sputnik Літва. 30 снежня журналіст прыехаў у Латвію па сямейных абставінах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
СПЧ заклікаў міжнародныя арганізацыі ўмяшацца ў сітуацыю з Касемам
Гэта помста: Кісялёў аб арышце ў Латвіі Марата Касема
Шэф-рэдактар Sputnik Літва Марат Касем затрыманы спецслужбамі Латвіі ў Рызе