МІНСК, 10 лют – Sputnik. У Саюзнай дзяржавы Беларусі і Расіі вялікі і пакуль яшчэ нераскрыты патэнцыял, аб гэтым заявіў міністр замежных спраў РФ Сяргей Лаўроў.
Міністр таксама растлумачыў, што Расія будзе дабівацца аб’ектыўнага працэсу фарміравання такой шматпалярнай сістэмы, якая будзе ствараць роўныя знешнія ўмовы для развіцця ўсіх.
У гэтым пытанні ў Масквы шмат саюзнікаў: па СНД, АДКБ, ЕАЭС, а таксама партнёры ў рамках ШАС і БРІКС, і "шматлікія краіны на Афрыканскім кантыненце, у Азіі, Ціхаакіянскім рэгіёне, Лацінскай Амерыцы і Карыбскім басейне".
"Вялізны нераскрыты патэнцыял у Саюзнай дзяржавы Расіі і Беларусі", - асабліва падкрэсліў Лаўроў.
Паводле слоў дыпламата, гэта ўся менавіта тая сусветная большасць, якая "зацікаўлена ў справядлівасці і якая будзе кожная ў меру сваіх магчымасцей гэтую справядлівасць адстойваць".
Павялічыць фінансаванне праграм
Інтэграцыя ў рамках Саюзнай дзяржавы выйшла на новы этап развіцця пасля падпісання пакета з 28 саюзных праграм.
Як заяўляў прэзідэнт Беларусі Аляксандр Лукашэнка, неабходна больш актыўна займацца рэалізацыяй саюзных праграм, таму што "тут недапушчальны зацягванні і затрымкі ў прыняцці рашэнняў".
"Але і спешкі ніякай быць не павінна", - падкрэсліў кіраўнік дзяржавы.
Ён таксама мяркуе, што нельга скарачаць праграмы Саюзнай дзяржавы, наадварот – трэба толькі павялічваць.
Паводле яго слоў, галоўным пытаннем у парадку дня па-ранейшаму павінна заставацца рэалізацыя галіновых праграм – эканамічных, навуковых, гуманітарных і шэрага іншых.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Беларусь-Расія: новы фармат узгодненай знешняй палітыкі – відэа
РФ прапрацоўвае перадачу Беларусі марскога перагрузачнага комплексу Бронка
Беларусь і РФ абмяркоўваюць пытанні інфармацыйнай бяспекі падчас выбараў
Хрэнін і Шайгу абмеркавалі меры стратэгічнага стрымлівання
Сумесны брыфінг Лаўрова і Алейніка ў Мінску – поўная версія