МІНСК, 10 лют – Sputnik. Ваенныя РФ поўнасцю вызвалілі Двурэчнае на купянскім напрамку, паведамілі ў Мінабароны Расіі.
Такога выніку ўдалося дасягнуць дзякуючы наступленню падраздзяленняў "Заходняй" групоўкі войск.
Таксама за апошнія суткі артылерыя і авіяцыя наносіла паражэнне ўкраінскай жывой сіле і тэхніцы ў раёнах Навасёлаўскага ЛНР, Гранікаўкі і Бераставога Харкаўскай вобласці.
УСУ страцілі на гэтым напрамку звыш 70 вайскоўцаў, дзве БМП, два аўто, артсістэму М777 амерыканскай вытворчасці і гаўбіцу Д-30.
Авіяцыя і артылерыя Расіі на чырвона-ліманскім напрамку таксама працягнула наносіць удары па праціўніку ў раёне Чырвонай Дзібровы, Чырвонапапоўкі і Стэльмахоўкі ЛНР.
Ліквідавана да 100 вайскоўцаў УСУ, чатыры баявыя бронемашыны, гаўбіца Д-20, РСЗА "Град", радыёлакацыйная станцыя контрбатарэйнай барацьбы AN/TPQ-50 амерыканскай вытворчасці.
А ў раёне Баравой Харкаўскай вобласці знішчаны ўкраінскі склад боепрыпасаў.
Працягнулі наступаць расійскія войскі з ужываннем авіяцыі і артылерыі і на данецкім напрамку, там дзейнічае "Паўднёвая" групоўка войск.
У выніку за мінулыя суткі ўдалося ліквідаваць да 125 ваеннаслужачых УСУ, два танкі, тры баявыя бронемашыны, пяць аўто, гаўбіцу Д-30 і РСЗА "Град".
Акрамя таго, знішчаны два ўкраінскія склады боепрыпасаў і ракетна-артылерыйскага ўзбраення ў раёнах Славянска і Аўдзееўкі ДНР.
На паўднёва-данецкім напрамку расійская авіяцыя і артылерыя групоўкі войск "Восток" наносіла комплекснае агнявое паражэнне жывой сіле і тэхніцы УСУ ў раёнах Прачыстаўкі і Вуглядара ДНР.
УСУ за мінулыя 24 гадзіны страцілі на гэтым напрамку больш за 60 ваеннаслужачых, танк, дзве БМП, чатыры пікапы, тры артсістэмы М777 амерыканскай вытворчасці, самаходную артустаноўку "Гвоздика", гаўбіцу Д-20. Акрамя таго, у раёне Вугледара знішчаны два склады боепрыпасаў УСУ.
УС РФ працягваюць знішчаць жывую сілу і тэхніку на херсонскім напрамку – тут ліквідаваны да 60 ваеннаслужачых УСУ, гаўбіца "МСТА-Б" і дзве гаўбіцы Д-30. А ў раёне Вышэйтарасаўкі Днепрапятроўскай вобласці ліквідаваны склад боепрыпасаў.
Па даных Мінабароны, у раёне Цярноўкі Запарожскай вобласці расійскія знішчальнікі збілі ўкраінскі верталёт Мі-8. А СПА РФ за мінулыя суткі збілі 14 снарадаў РСЗА HIMARS і 12 беспілотнікаў УСУ.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Кангрэсмены ЗША запатрабавалі ад Байдэна спынення дапамогі Украіне
Трыста заходніх танкаў не зробяць надвор’е Кіеву – Небензя
Шайгу агучыў лічбы страт УСУ за студзень
Расійскія вайскоўцы вызвалілі Мікалаеўку ў ДНР
Мінабароны РФ паказала стральбу з найноўшых танкаў Т-90М "Прорыв" – відэа