Шматлюдная Венецыя становіцца яшчэ больш перапоўненай падчас карнавалу. Тым больш, што ўпершыню за тры гады ён праходзіць без якіх-небудзь абмежаванняў з-за пандэміі.
Венецыянскі карнавал афіцыйна стартаваў 4 лютага і працягнецца да 21-га.
Лепшы спосаб пазнаёміцца з карнавалам – прагуляцца па вуліцах, любуючыся экстравагантнымі і арыгінальнымі касцюмамі. На плошчы Сан-Марка можна сустрэць мноства ўдзельнікаў, якія пазіруюць для фатаграфій. Многія гатовы выдаткаваць вялізныя сумы на арэнду гістарычных карнавальных касцюмаў. У такіх атэлье, як Sogno Veneziano або Nicolao, вы можаце знайсці раскошныя старадаўнія ўборы з аксаміту, вышытага атласу і тонкіх карунак.
Для тых, у каго больш стрыманы бюджэт, маска ручной працы – абавязковы аксесуар. Найстарэйшыя майстэрні Венецыі вырабляюць маскі з пап’е-машэ ці керамікі, якія распісаны ўручную і ўпрыгожаны ўсім, чым заўгодна: ад сусальнага золата да гіганцкага пер'я.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Глядзіце таксама:
Набліжаецца Дзень мёртвых: у Мехіка прайшоў Парад Катрын – фота
Карнавал у Венецыі: вытанчаныя маскі і пацук-гандола
Увесь Мінск – тэатр: адкрыццё форуму вулічных артыстаў у сталіцы