МІНСК,15 лют – Sputnik. Расійская судовая сістэма зацікўлена ў вопыце беларускіх калег, заявіў старшыня Савета суддзяў Расійскай Федэрацыі Віктар Мамотаў, які прыехаў у Мінск для ўдзелу ў міжнароднай канферэнцыі "Беларускае правасуддзе: гістарычны вопыт і сучаснасць".
Канферэнцыя праводзілася ў Вярхоўным судзе Беларусі і прымеркавана да 100-годдзя беларускай судовай сістэмы.
"У нас агульнае мінулае (...) Вопыт, які мае судовая сістэма Беларусі, цікавы для нас", - заявіў Моматаў, выступаючы на канферэнцыі.
Гаворачы аб развіцці судовай сістэмы Расіі, ён падкрэсліў, што яна мае "вельмі сур’ёзнае права – гэта права заканадаўчай ініцыятывы.
"Толькі за апошнія 10 гадоў Вярхоўны суд Расіі падрыхтаваў больш за 100 законаў і накіраваў іх у Дзяржаўную думу, больш за 80 з іх былі прыняты", - сказаў Мамотаў.
Ён таксама падкрэсліў, што важным аспектам судовай сістэмы з’яўляецца незалежнасць суда і незалежнасць суддзі.
Ён таксама спыніўся на тэме электроннага правасуддзя. Па словах Мамотава, сёння ў кулуарах канферэнцыі ён размаўляў з беларускімі калегамі на гэтую тэму.
"Мы сышліся на думцы, што ніякі электронны інтэлект не заменіць суддзю", - сказаў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Судовы вопыт Беларусі выклікае цікавасць за мяжой – Сукала
Незалежнасць судовай сістэмы ўзмацняецца – Лукашэнка
Лукашэнка падпісаў указ аб стварэнні камісіі па вяртанні палітэмігрантаў