МІНСК, 16 лют – Sputnik. Супрацоўніцтва Беларусі і РФ па лініі судовых органаў мае стратэгічную важнасць, сказаў пасол Расіі Барыс Грызлоў падчас цырымоніі ўручэння ўзнагароды старшыні Вярхоўнага Суда Беларусі Валянціну Сукалу, перадае карэспандэнт Sputnik.
Паводле слоў пасла, устойлівая і бесперапынная сувязь паміж сучаснымі расійскім і беларускім судзейскімі карпусамі склалася яшчэ ў савецкія часы, калі 100 гадоў таму быў створаны Вярхоўны Суд БССР у якасці вышэйшага судовага органа.
"За час існавання Савецкага Саюза структура судовых вярхоўных рэспубліканскіх органаў неаднаразова мянялася і рэфармавалася", - нагадаў расійскі дыпламат.
Пры гэтым ён канстатаваў, што нязменным заставаўся высокі прафесіяналізм супрацоўнікаў і надзейнае служэнне агульнай справе.
"Ужо ў новую эпоху Масква і Мінск прадоўжылі інтэнсіўнае супрацоўніцтва ў галіне абмену вопытам і ведамі, не разгубіўшы пры гэтым зачыну, які быў сфарміраваны яшчэ ў СССР", - падкрэсліў Барыс Грызлоў.
Пасля чаго дадаў, што дыялог аб супрацоўніцтве па лініі судовых органаў мае стратэгічную важнасць. У сучасных умовах немагчыма ўявіць умацаванне нацыянальнай бяспекі без развіцця судовай сістэмы.
"Сапраўдны суверэнітэт дзяржавы не ў апошнюю чаргу ўмацоўваецца сумленным і справядлівым судом. У сувязі з гэтым адной з галоўных задач нашых краін, безумоўна, з'яўляецца ўсялякая падтрымка судзейскага корпуса", - упэўнены кіраўнік пасольства.
Уручаючы Валянціну Сукалу медаль міністэрства юстыцыі Расіі, заснаваны ў сувязі з 220-годдзем з моманту заснавання ведамства, Барыс Грызлоў асабліва адзначыў, што яму прыемна ўручаць гэту ўзнагароду старшыні Вярхоўнага Суда, таму што ён у свой час узначальваў міністэрства юстыцыі Беларусі.
Пасол Расіі Барыс Грызлоў уручыў медаль старшыні Вярхоўнага Суда Валянціну Сукалу
© Sputnik / Виктор Толочко
"Гэта ўзнагарода для вас, безумоўна, як для былога міністра юстыцыі і як для вялікага дзяржаўнага і палітычнага дзеяча Рэспублікі Беларусь", - асабліва адзначыў расійскі дыпламат.
У сваю чаргу Валянцін Сукала звярнуў увагу, што пасол РФ упершыню наведвае з афіцыйным візітам вышэйшую судовую інстанцыю Беларусі, што вельмі сімвалічна. Паводле яго слоў, Барыс Грызлоў не проста наведаў Вярхоўны Суд, але і азнаёміўся з яго работай. Гэта актуальна, улічваючы цяперашнюю сітуацыю і паглыбленне інтэграцыі Беларусі і Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Судовы вопыт Беларусі выклікае цікавасць за мяжой – Сукала
Незалежнасць судовай сістэмы ўзмацняецца – Лукашэнка