МІНСК, 27 лют – Sputnik. Сілавікі павінны бачыць найменшыя пагрозы на мяжы Беларусі, каб адэкватна на іх рэагаваць, заявіў на нарадзе з сілавым блокам у Палацы Незалежнасці кіраўнік дзяржавы Аляксандр Лукашэнка.
Паводле яго слоў, улічваючы падзеі ўнутры краіны і знешнія ўмовы, неабходна ацэньваць унутрыпалітычную сітуацыю і ваенную абстаноўку вакол рэспублікі.
"Яшчэ раз хачу падкрэсліць і арыентаваць вас, і запатрабаваць ад вас вельмі жорсткай дысцыпліны ў воінскіх падраздзяленнях МУС і КДБ. Найжорсткай дысцыпліны! Кожны павінен займацца сваёй справай", - падкрэсліў Лукашэнка.
Паводле яго слоў, у краіне нямала сілавікоў, якія ўзброены і нацэлены абараняць сваю краіну. Ад іх патрабуецца дысцыпліна і выкананне абавязкаў, у прыватнасці, на мяжы. Гэта датычыцца не толькі Дзяржаўнага пагранічнага камітэта рэспублікі, але і МУС, Камітэта дзяржбяспекі і Узброеных сіл.
"Мы ўсе павінны бачыць на рубяжах нашай краіны любую найдрабнейшую агрэсіўнасць адносна нашай дзяржавы, каб прыняць адпаведныя меры рэагавання", - растлумачыў Лукашэнка.
На яго думку, знешнія сілы гатовы выкарыстоўваць любы выпадак, каб ускалыхнуць абстаноўку ў рэспубліцы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Крэмль не стаў каменціраваць паведамленні аб нападзенні на аэрадром у Беларусі
Беларусь завяршае стварэнне ўласнага зенітна-ракетнага комплексу – Лукашэнка
МУС Беларусі плануе ўзаконіць шырокую ваенную падрыхтоўку насельніцтва
Яшчэ адзін атрад спецназа з’явіцца ў Беларусі
Ці будзе ў Беларусі мабілізацыя, расказаў камандуючы ўнутранымі войскамі