Подготовка мобилизованных для отправки в зону спецоперации - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Ці будзе ў Беларусі мабілізацыя, расказаў камандуючы ўнутранымі войскамі

© Sputnik / Виктор ТолочкоНамеснік міністра ўнутраных спраў - камандуючы ўнутранымі войскамі Беларусі генерал-маёр Мікалай Карпянкоў
Намеснік міністра ўнутраных спраў - камандуючы ўнутранымі войскамі Беларусі генерал-маёр Мікалай Карпянкоў - Sputnik Беларусь, 1920, 03.10.2022
Падпісацца на
НовостиTelegram
На фоне частковай мабілізацыі ў Расіі ў Беларусі таксама сталі распаўсюджвацца трывожныя чуткі – ці будзе частковая мабілізацыя і як ідуць справы з воінскім прызывам.
МІНСК, 3 кас – Sputnik. У Беларусі "нармальная, спакойная, стабільная абстаноўка, перажываць нам няма за што", такое меркаванне выказаў намеснік міністра ўнутраных спраў – камандуючы ўнутранымі войскамі Беларусі Мікалай Карпянкоў у эфіры тэлеканала СТБ.
У інтэрв’ю ён растлумачыў, ці варта чакаць у Беларусі мабілізацыю – частковую або поўную.
Гаворачы аб падзеях ва Украіне і частковай мабілізацыі ў РФ, Карпянкоў адзначыў, што "дзякуй Богу, нас гэта наўпрост не тычыцца".
"І як было сказана кіраўніком дзяржавы, якой-небудзь мабілізацыі, частковай, поўнай, у Рэспубліцы Беларусь не будзе. І яно менавіта так і ёсць. Я як камандуючы ўнутранымі войскамі ўсю гэтую справу пацвярджаю. Ніякай мабілізацыі няма", - заявіў камандуючы ўнутранымі войскамі.
Мікалай Карпянкоў падкрэсліў, што пры гэтым ёсць планы на год наперад, у адпаведнасці з якімі распісаны вучэнні, у тым ліку па мабілізацыйнай падрыхтоўцы: нармальныя людзі да гэтага "вельмі добра ставяцца".
"Усе бачаць, якая ваенна-палітычная абстаноўка. Які ж нармальны мужчына, які нармальны бацька, муж можа сядзець склаўшы рукі і ў гэтай сітуацыі не паўдзельнічаць, нават у невялікіх зборах, якія традыцыйна ў нас праводзяцца не больш за два тыдні, каб не праверыць сябе, не паўдзельнічаць у абароне краіны?", - задаецца пытаннем Карпенкаў.
Пры гэтым ён падкрэсліў, што беларусам няма за што перажываць – абстаноўка спакойная, а калі што – вораг будзе разбіты.
"Калі, не дай бог, прыйдзе час і трэба будзе са зброяй у руках абараняць сваю краіну, то ў першых баях трэба даць скрышальны ўдар, нанесці саперніку непрымальную шкоду, каб не было і думкі нават развязваць з намі нейкія канфлікты і што-небудзь", - дадаў Карпянкоў.

Мабілізацыі ў Беларусі не будзе

21 верасня Уладзімір Пуцін аб’явіў аб частковай мабілізацыі ў Расіі.
На гэтым фоне беларусы сталі баяцца, што і ў рэспублікі будуць праведзены такія ж мерапрыемствы. Але ў той жа дзень дзяржаўны сакратар Савета бяспекі рэспублікі Аляксандр Вальфовіч супакоіў: у Беларусі няма неабходнасці ў мабілізацыі.
"Мабілізацыя – гэта не пра нас, народ Беларусі і краіна мабілізаваны і так. І гатовы, вядома, не дай бог, даць адпор тымі сіламі і сродкамі, якія для гэтага прызначаны: тым сілавым блокам, тым складам мірнага часу, які сёння выконвае задачы па абароне сваёй краіны і канстытуцыйнага ладу на сваёй тэрыторыі", - заявіў дзяржсакратар Савета бяспекі.
У тым, што ў Беларусі не будзе мабілізацыі, запэўніваў і Аляксандр Лукашэнка: 23 верасня, кажучы пра чуткі пра мабілізацыю ў РБ, ён падкрэсліў, што ўся гэта хлусня.
"Гэтая мабілізацыя ў Расіі. Тое, што на нас спрабуюць перакінуць гэты масток, што будзе і ў нас… а калі не будзе?.. Не будзе ніякай мабілізацыі. Гэта хлусня", - сказаў Лукашэнка.
Разам з тым ён адзначыў, што на магчымыя пагрозы ў Беларусі прадоўжаць рэагаваць – будуць праводзіцца на рэгулярнай аснове вучэнні, у тым ліку з удзелам народнага апалчэння. Паводле яго слоў, беларусы будуць ваяваць толькі тады, калі давядзецца абараняць свой дом.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
У Крамлі выказаліся аб магчымым закрыцці меж і ваенным становішчы ў РФ
Як у Расіі праходзіць падрыхтоўка мабілізаваных – фота
Лукашэнка назваў хлуснёй размовы аб мабілізацыі ў Беларусі
Патрушаў упэўнены, што Беларусь падтрымае дзеянні Расіі ва Украіне
Пуцін аб’явіў аб частковай мабілізацыі ў РФ
Стужка навiн
0