МІНСК, 1 сак – Sputnik. Беларусь будзе падтрымліваць Кітай па ўсіх вострых пытаннях, у тым ліку па Тайвані, заявіў кіраўнік беларускай дзяржавы Аляксандр Лукашэнка на сустрэчы ў Пекіне са старшынёй Пастаяннага камітэта Усекітайскага схода народных прадстаўнікоў Лі Чжаньшу.
"Мінск падтрымліваў і будзе падтрымліваць Пекін па ўсіх вострых пытаннях. У тым ліку па Сіньцзяне, Паўднёва-Кітайскім моры, Ганконгу і Тайвані", - сказаў беларускі лідар, відэафрагмент з яго выступленнем апублікаваў Telegram-канал "Пул Першага", блізкі да прэс-службы прэзідэнта.
Ён таксама падкрэсліў, што Беларусь падтрымлівае прынцып "аднаго Кітая", заўсёды прытрымлівалася яго і асуджае дзеянні па ўзмацненні напружанасці вакол астраўной дзяржавы.
"Мы вельмі высока цэнім цеснае стратэгічнае супрацоўніцтва з Кітаем на міжнароднай арэне. Нашы краіны нязменна аказваюць падтрымку адна адной па важных ключавых пытаннях сусветнага парадку дня. Мы асуджаем дзеянні, накіраваныя на ўзмацненне напружанасці вакол Тайваня", - дадаў Лукашэнка.
Сітуацыя вакол Тайваня
Нагадаем, што сітуацыя вакол вострава абвастрылася ў жніўні 2022 года, калі ў Тайбэй прыляцела Нэнсі Пеласі, якая займала тады пасаду спікера палаты прадстаўнікоў ЗША. КНР і іншыя краіны асудзілі візіт амерыканскага палітыка, паколькі Кітай лічыць гэтую тэрыторыю сваёй.
Пасля візіту Пеласі Тайвань наведалі яшчэ шэраг прадстаўнікоў ЗША.
Візіт Лукашэнкі ў Кітай
Прэзідэнт Беларусі прыбыў у Кітай з дзяржаўным візітам 28 лютага. Плануецца, што камандзіроўка кіраўніка дзяржавы працягнецца да 2 сакавіка.
У сераду, 1 сакавіка, беларускі лідар правёў перагаворы са старшынёй КНР Сі Цзіньпінам. Таксама з малодшым сынам ён усклаў кветкі на плошчы Цяньаньмэнь.
Чакаецца, што па выніках візіту будзе падпісаны вялікі пакет дакументаў па развіцці адносін у розных сферах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
МЗС Беларусі прытрымліваецца прынцыпу "аднаго Кітая"
Адказнасць за абвастрэнне адносін з Кітаем ляжыць на ЗША – Мінабароны КНР
Кітай прыпыняе супрацоўніцтва з ЗША па шэрагу напрамкаў
Спроба ЗША стрымліваць Кітай пры дапамозе Тайваня праваліцца – КНР
Гістарычная непазбежнасць: МЗС КНР аб уз’яднанні Кітая з Тайванем