МІНСК, 7 сак – Sputnik. Украіна хоча ўцягнуць Беларусь у вайну па камандзе амерыканцаў, заявіў прэзідэнт Беларусі Аляксандр Лукашэнка падчас цырымоніі ўручэння дзяржузнагарод у Палацы Незалежнасці.
Раней у аўторак Лукашэнка паведаміў аб затрыманні "тэрарыста ўкраінскіх спецслужбаў і яго саўдзельнікаў", якія маюць дачыненне да спробы дыверсіі з расійскім самалётам ДРЛА А-50 на аэрадроме пад Мінскам.
"Вывад адзін. Я яшчэ неяк думаў, што Украіне патрэбен мір, што Зяленскі хварэе за свой народ. Прэзідэнт Зяленскі – проста гніда. Проста гніда! Такія аперацыі не праводзяцца без узгаднення з кіраўніком краіны і галоўнакамандуючым", - заявіў беларускі лідар, яго словы прыводзіць БелТА.
І патлумачыў выбар такой характарыстыкі для ўкраінскага прэзідэнта: "Гніда таму, што ён бегае вакол Беларусі, дасылае да нас людзей і просіць, як я ўжо казаў: "Давайце заключым пакт аб ненападзенні, давайце дамовімся, у нас з вамі няма ніякіх праблем".
Пры гэтым ён нагадаў, што неаднаразова заяўляў аб тым, што Беларусь не збіраецца нападаць.
"Калі яны разлічваюць (я ж ведаю, што яны хочуць нас уцягнуць у вайну па камандзе амерыканцаў)… Калі вы думаеце, што вы, кінуўшы гэты выклік, уцягнеце нас у вайну заўтра, якая сёння ідзе ўжо па ўсёй Еўропе, вы памыляецеся", - заявіў Аляксандр Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка папрасіў Расію забраць самалёт А-50 і даслаць іншы
Лукашэнка: у Беларусі затрымалі тэрарыста ўкраінскіх спецслужбаў з саўдзельнікамі
Мінск падтрымлівае ініцыятыву Кітая аб міжнароднай бяспецы – Лукашэнка