МІНСК, 14 сак – Sputnik. Расійскі журналіст Марат Касем напісаў з Рыжскай цэнтральнай турмы пісьмо, адрасаванае рэдакцыі Sputnik Літва. У ім ён расказаў пра тое, як адсвяткуе сёння свой 33-і дзень нараджэння, а таксама пра свае нялёгкія будні.
Нагадаем, шэф-рэдактар Sputnik Літва Марат Касем быў затрыманы ў Латвіі 5 студзеня гэтага года, куды прыехаў па сямейных абставінах. Яго абвінавачваюць у парушэнні санкцыйнага рэжыму Еўрасаюза, яму пагражае пазбаўленне волі на тэрмін да чатырох гадоў.
"Вы, мабыць, атрымаеце гэтую вестку ў мой дзень нараджэння. Калі сапраўды, то заўсёды ставіўся да яго скептычна. Сумны ён нейкі… Я паспрабую заказаць торцік у турэмнай крамцы і пачастую сакамернікаў. Завару чыфір, будзем паліць самакруткі. 33 гады – гэта ўзрост Хрыста, як вядома", - напісаў Касем у лісце ад 12 сакавіка. Словы расійскага журналіста апублікаваны ў Telegram-канале Sputnik Літва ў аўторак.
Паводле яго слоў, у рыжскай турме зняволеных кормяць цярпіма: даюць грэчку, бульбу з капустай, раніцай – манную кашу і гарбату, а на вячэру часам бывае рыба.
Адцягнуцца Марату Касему дазваляе літаратура, але, як адзначыў журналіст, "сіл асабліва не надае".
"Гандзі мне зусім не зайшоў. Чытаю вельмі шмат, хоць я ўжо і не ў адзіночцы. На гэты момант вывучаю кнігу Альгірдаса Палецкіса "Наручники на мысль". Напісана яна ў выглядзе дзённіка, чытаецца лёгка", - расказаў Касем.
У лісце ён прызнаўся, што для яго час цягнецца як пластылін, а месяцы знаходжання ў рыжскай турме па адчуваннях падаюцца годам.
Шэф-рэдактар Sputnik Літва паведаміў, што надвор’е ў Рызе жудаснае, але ён часам усё ж выходзіць гуляць.
"Гадзіна ў дзень прызначана, выводзяць па раніцах. Пра вясну на волі прыемна марыць. І адзначу, што вясна заканчваецца ў маі, якраз у пачатку месяца будзе чарговы перагляд меры стрымання (адбываецца гэта кожныя два месяцы). Зрэшты, я жыву па прынцыпе "Пакінь надзею кожны, хто сюды ўваходзіць", - сказаў на заканчэнне Марат Касем.
Рэакцыя ў Расіі
Аб арышце Касема стала вядома 6 студзеня – адразу каля пасольства Латвіі ў Расіі прайшла акцыя ў падтрымку шэф-рэдактара Sputnik Літва.
У ёй удзельнічаў і гендырэктар медыягрупы "Россия сегодня" Дзмітрый Кісялёў, які назваў затрыманне журналіста помстай улад Латвіі.
"Гэта яшчэ і помста Марату. (…) Ён казаў, што яго праследуюць. І яму такім чынам вырашылі адпомсціць, пацвердзіць найгоршыя апасенні", - сказаў ён.
Па словах Кісялёва, арышт адбываецца ва ўмовах "еўрапейскага безгранічча, калі чалавека могуць арыштаваць за тое, што ён займаецца прафесійнай журналісцкай дзейнасцю, за меркаванне, за пазіцыю, за тую інфармацыю, якую ён выказвае".
Зробяць усё магчымае
У Міністэрстве замежных спраў РФ заявілі, што для вызвалення Касема будзе зроблена ўсё магчымае.
Расійскі амбудсмен Таццяна Маскалькова назвала затрыманне шэф-рэдактара Sputnik Літва замахам на свабоду слова і звярнулася да Вярхоўнага камісара ААН па правах чалавека.
Кіраўнік Саўфеда Валянціна Мацвіенка заяўляла, што для гэтага неабходна звяртацца ў міжнародныя структуры і выкарыстоўваць любыя каналы. Сенатар Уладзімір Джабараў таксама падкрэсліў, што зараз для вызвалення журналіста робіцца ўсё магчымае.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Стартавала маштабная акцыя ў падтрымку Касема сярод яго калег-журналістаў
МЗС РФ: Марату Касему свядома прычыняюць фізічныя пакуты