МІНСК, 22 сак – Sputnik. У сераду завяршыўся дзяржаўны візіт у Расію старшыні КНР Сі Цзіньпіна, яго самалёт вылецеў з маскоўскага аэрапорта "Внуково".
Сі Цзіньпіна праводзіў у маскоўскім аэрапорце віцэ-прэм’ер Расіі Дзмітрый Чарнышэнка, які курыруе ў расійскім урадзе пытанні лічбавай эканомікі і інавацый, сувязі, СМІ, а таксама культуры, турызму і спорту.
Кітайская дэлегацыя вылецела з расійскай сталіцы на двух самалётах.
Дзяржаўны візіт
Старшыня КНР Сі Цзіньпін прыбыў у Маскву з дзяржаўным візітам у панядзелак, 20 сакавіка, на запрашэнне прэзідэнта Расіі Уладзіміра Пуціна. Гэта была яго першая замежная паездка пасля перавыбрання на пасаду кіраўніка дзяржавы на трэці тэрмін.
У дзень прылёту ў Расію ў кітайскага лідара адбылася вячэра і нефармальная сустрэча з расійскім калегам. Размова двух лідараў працягнулася 4,5 гадзіны.
На наступны дзень прайшлі афіцыйныя перагаворы двух лідараў.
Першы візіт старшыні КНР у Маскву адбыўся роўна 10 гадоў таму, у сакавіку 2013-га.
Апошні раз Сі Цзіньпін быў у Расіі ў 2019-м на Пецярбургскім міжнародным эканамічным форуме (ПМЭФ).
Нагадаем, што 10 сакавіка дэпутаты Усекітайскага схода народных прадстаўнікоў аднагалосна перавыбралі Сі Цзіньпіна на пасаду старшыні КНР. На гэтай пасадзе ён правядзе трэці пяцігадовы тэрмін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
РФ і КНР маюць намер стварыць рабочы орган па праекце "Северный морской путь"
Сі Цзіньпін запрасіў Пуціна і Мішусціна наведаць Кітай
Сустрэча Сі Цзіньпіна і Міхаіла Мішусціна ў Маскве – відэа