МІНСК, 28 сак – Sputnik. Беларуска Арына Сабаленка працягвае барацьбу на тэнісным турніры Miami Open, паведамляе Sputnik.
У 1/8 фіналу другая ракетка планеты была мацнейшай за чэшку Барбору Крэйчыкаву, якая займае 16-е месца ў сусветным рэйтынгу.
Наша тэнісістка адолела саперніцу ў двух сэтах – 6:3, 6:2. Беларуска аформіла восем эйсаў і выйграла дзевяць геймаў на падачы, прымусіўшы пры гэтым чэшскую спартсменку зрабіць пяць падвойных памылак.
У чвэрцьфінале Сабаленка сустрэнецца з румынкай Саранай Кырсцяй, якая размяшчаецца на 51-м радку сусветнага рэйтынгу.
Таксама ў чвэрцьфінале будуць такія пары: Кацярына Аляксандрава – Петра Квітава; Джэсіка Пегула – Анастасія Патапава; Марціна Трэвізан – Алена Рыбакіна.
Турнір катэгорыі WTA-1000 у Маямі працягнецца да 2 красавіка. Яго прызавы фонд складае 8,8 млн долараў, пераможцы ў мужчынскім і жаночым адзіночным разрадах атрымаюць крыху больш за 1 млн долараў.
Дзеючай чэмпіёнкай Miami Open з’яўляецца першая ракетка свету Іга Свёнтэк, якая ў гэтым годзе адмовілася ад абароны тытула з-за траўмы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Івашка здаў пазіцыі: якія месцы займаюць беларусы ў рэйтынгах ATP і WTA
Мішусцін расказаў, як трэба развіваць спорт ва ўмовах абмежаванняў Захаду
У IBU гатовы абмяркоўваць вяртанне беларусаў, але час для гэтага не прыйшоў