МІНСК, 31 сак – Sputnik. Беларуская разведка здабыла факты падрыхтоўкі нападзення на нашу краіну, заявіў кіраўнік дзяржавы Аляксандр Лукашэнка ў Палацы рэспублікі падчас паслання народу і Нацыянальнаму сходу, перадае карэспандэнт Sputnik.
"Там (у Польшчы - Sputnik) поўным ходам ідзе фарміраванне нейкіх палкоў, харугваў для наступнага перавароту ў Беларусі. Прыйдзе час мы вам гэта выкладзем усё. Сёння не час – ідзе карпатлівая праца, але паверце на слова, я вас ніколі не падманваў. Яны рыхтуюцца ўварвацца на тэрыторыю Беларусі для знішчэння нашай краіны", - сказаў Лукашэнка.
Пры гэтым ён адзначыў, што польскі бок з апазіцыянераў, якія пакінулі краіну, робіць баевікоў, "проста бандытаў, якіх не шкада".
Кіраўнік дзяржавы звярнуў увагу, што цяпер яны атрымліваюць баявы вопыт на ўкраінскай тэрыторыі, але найбольш у якасці гарматнага мяса. Пры гэтым рыхтуюцца да закіду на беларускую тэрыторыю і тэрарысты для правядзення дыверсій.
"Спрабуюць стварыць падпольныя экстрэмісцкія ячэйкі для каардынацыі пратэстнай дзейнасці, перадаюць узбраенне і фінансавыя сродкі", - пералічыў ён.
Лукашэнка распавёў, што міністр абароны Польшчы Марыуш Блашчак на закрытай нарадзе агітаваў адкрыць "другі фронт" у Беларусі. Пасля чаго прывёў словы генерал-маёра арміі ЗША Джозэфа МакГі, які заявіў, што дыслацыраваная ў Румыніі амерыканская 101-я паветрана-дэсантная дывізія "падрыхтавана для заняцця стратэгічных пунктаў на тэрыторыі Беларусі".
"Гэта літаральна некалькі цытат, некалькі фактаў, здабытых нашай разведкай", - падкрэсліў беларускі лідар.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка: бойня не скончыцца, пакуль заакіянскі гаспадар не дасць адмашку
Лукашэнка ініцыяваў перагаворы па вяртанні ядзернай зброі