МІНСК, 31 сак – Sputnik. Новая Канстытуцыя Беларусі створана не пад прэзідэнта рэспублікі. З такой заявай выступіў кіраўнік дзяржавы Аляксандр Лукашэнка, звяртаючыся з пасланнем да народа і парламента.
Прыняцце абноўленай Канстытуцыі Лукашэнка назваў найважнейшым дасягненнем беларускай дзяржаўнасці. Ён падзякаваў усім, хто ўключыўся ў абмеркаванне новай рэдакцыі Асноўнага закона, прыняў удзел у рэферэндуме-2022.
"Гэта мільёны, такой аднадушнасці наша гісторыя не ведала", - сказаў прэзідэнт.
Ён звярнуў увагу на размовы аб тым, што Лукашэнка зрабіў Канстытуцыю пад сябе.
"Не я яе рабіў, я гэта шчыра вам магу сказаць, я не ўмешваўся ў гэты працэс. Прапановы зыходзілі ад мяне, канстытуцыйная камісія, створаная з прадстаўнікоў розных слаёў грамадства, уносіла гэтыя прапановы", - адзначыў прэзідэнт.
Кіраўнік дзяржавы нагадаў, што рабілася ўсё гэта публічна, таму папракаць яго не трэба.
"Нават калі зыходзіць з гэтага, паверце, мой век – заканчваецца і ніякія Канстытуцыі я пад сябе рабіць не буду", - падкрэсліў прэзідэнт.
Паводле яго слоў, даводзіцца думаць аб будучыні (дзецях, унуках), якія павінны жыць у мірнай і незалежнай краіне.
"Я разумею, калі не будзе Лукашэнкі, то яго дзяцей будуць ціснуць з усіх бакоў. Магчыма, і ўнутры з’явяцца такія, якім нешта не падабаецца і будуць даставаць праз дзяцей. А гэта для мяне непрымальна, як і для вас", - сказаў Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка назваў галоўную тэму свайго паслання народу і парламенту
Выбары ў 2024 годзе будуць няпростыя – Лукашэнка
З 15 сакавіка ў Беларусі набыла моц абноўленая Канстытуцыя