МІНСК, 3 кра – Sputnik. У рамках Саюзнай дзяржавы ў Беларусі і Расіі агульная Ваенная дактрына, аб гэтым заявіў пасол РФ Барыс Грызлоў у эфіры праграмы "Контуры".
Раней Уладзімір Пуцін паведаміў, што ў Беларусь вернецца тактычная ядзерная зброя. На беларускай тэрыторыі да 1 ліпеня будзе гатова спецыяльнае сховішча для гэтага тыпу ўзбраенняў. Беларускія экіпажы самалётаў пачнуць падрыхтоўку да работы з ім з 3 красавіка бягучага года.
"Нагадаю, што першапачаткова тэме размяшчэння ядзернай зброі ў Еўропе далі старт Злучаныя Штаты яшчэ ў 1950-я гады. Сёння існуе пяць краін, дзе знаходзіцца амерыканская ядзерная зброя", - сказаў расійскі дыпламат.
Паводле яго слоў, у некаторых краінах у ЕС узнікла паніка з-за таго, што Мінск і Масква дамовіліся размясціць тактычную ядзерную зброю на беларускай тэрыторыі.
Грызлоў заклікаў улічваць кантэкст і нюансы ў дадзеным выпадку. Бо еўрапейскія краіны, дзе базіруецца ядзерная зброя Злучаных Штатаў, застаюцца амерыканскімі марыянеткамі.
"А мы знаходзімся ў межах нашай Саюзнай дзяржавы – у нас ёсць агульная Ваенная дактрына, вядзецца сумеснае патруляванне меж, створаны адзіныя сілы СПА", - удакладніў дыпламат.
На яго думку, такім чынам умацоўваецца абарона Саюзнай дзяржавы, ідзе перамяшчэнне ядзернай зброі да меж Еўрапейскага Саюза. Такім чынам, дасягаецца пэўны парытэт.
У якасці прыкладу пасол РФ прывёў Карыбскі крызіс, калі ў 1962 годзе СССР размясціў сваю зброю на Кубе. Тады была пагроза пачатку трэцяй сусветнай вайны. Але сама верагоднасць таго, што бакі могуць нанесці ўдар адзін па аднаму і стварыла парытэт, і прывяла да перагавораў. Дзякуючы гэтаму Савецкі Саюз забраў ядзерную зброю з Вострава свабоды, а Злучаныя Штаты згарнулі падобныя тыпы ўзбраенняў на турэцкай тэрыторыі.
"Таму – вяртаючыся да тэмы тактычнай ядзернай зброі на тэрыторыі Беларусі – я мяркую, што гэта якраз не эскалацыя сітуацыі, а магчымасць размену", - сказаў Грызлоў.
Раней у ходзе паслання народу і Нацыянальнаму сходу Аляксандр Лукашэнка не выключыў магчымасці вяртання ў Беларусь ракетных комплексаў "Тополь". Паводле яго слоў, яшчэ тыдзень таму ён даў даручэнне беларускім ваенным заняцца аднаўленнем стартавых пляцовак для ракетных комплексаў, узброеных міжкантынентальнымі балістычнымі ракетамі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка расказаў, калі можа быць выкарыстана тактычная ядзерная зброя
Лукашэнка даручыў аднавіць стартавыя пляцоўкі для "Тополей"
Лукашэнка ініцыяваў перагаворы па вяртанні ядзернай зброі
Генсакратар СНД: рашэнне аб прымяненні ядзернай зброі Беларусь і РФ прымуць сумесна
Трамп заклікаў амерыканцаў маліцца пасля рашэння размясціць ТЯЗ у Беларусі