МІНСК, 6 кра – Sputnik. Расійская дзяржкарпарацыя "Росатом" гатова паставіць у Беларусь комплексы брахіятэрапіі, а таксама аператыўна забяспечваць медыкаў радыеактыўнымі крыніцамі для перазарадкі гэтага абсталявання, паведаміў журналістам дырэктар краінавага офіса Дзяржкарпарацыі "Росатом" у Беларусі Станіслаў Лявіцкі, перадае карэспандэнт Sputnik.
"У гэтым годзе плануецца замена, калі не памыляюся, двух апаратаў на тэрыторыі рэспублікі. Гэта забюджэтавана, і мы гатовы паўдзельнічаць у тэндэры", - растлумачыў Лявіцкі.
Ён дадаў, што на мінулым тыдні прадстаўнікі "Росатом" наведалі два беларускія анкацэнтры, дзе прэзентавалі апарат "Брахиум".
Прадстаўнік "Росатома" таксама паведаміў, што першы апарат адна са структур карпарацыі распрацавала яшчэ пры СССР. Прыбор называўся "Агат". Пасля глыбокай мадэрнізацыі з’явіўся "Брахиум".
Як чакаецца, Беларусь і Расія могуць запусціць сумесную праграму па стварэнні новага пакалення апарата. Гэта будзе далейшае развіццё "Брахиума". Адно з новаўвядзенняў – інтэграцыя ў апарат модуля для УГД.
На гэты момант у "Брахиуме" выкарыстоўваюцца расходныя матэрыялы (радыеактыўныя крыніцы), якія ствараюцца пры ўдзеле аднаго з расійска-беларускіх сумесных прадпрыемстваў.
Медабсталяваннем для лячэння раку ў карпарацыі "Росатом" займаецца кампанія "Русатом Хэлскеа". Яна падпісала пагадненне з беларускім РУП "Медтэхнацэнтр" на міжнародным форуме "Атомэкспо-2022" у Сочы.
У 2022 годзе кампанія "Русатом Хэлскеа" пачала серыйны выпуск першага расійскага лінейнага паскаральніка "Оникс" для прамянёвай тэрапіі, а таксама комплексу для брахітэрапіі "Брахиум".
Акрамя гэтага, "Русатом Хэлскеа" распрацоўвае першы ў свеце бязгелевы магнітна-рэзанансны тамограф (МРТ) – ён будзе зручней у выкарыстанні і надзейней аналагаў. Пачалася і работа па стварэнні комплексу дыстанцыйнай прамянёвай тэрапіі тараідальнага тыпу "Торус".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Папяровыя рэцэпты на лекі хутка знікнуць у Беларусі
Імпарт медтэхнікі хочуць замясціць праз вытворчасці ў "Вялікім камені"
СААЗ спадзяецца на завяршэнне пандэміі каронавіруса ў 2023 годзе