Пракурор прад'явіў новае абвінавачанне па справе Пратасевіча

МІНСК, 7 кра – Sputnik. Дзяржабінаваўца абвясціла новае абвінавачанне па крымінальнай справе заснавальнікаў прызнанага ў Беларусі тэрарыстычным Telegram-канала NEXTA.

Па гэтай справе праходзяць тры абвінавачаныя: Раман Пратасевіч, які прысутнічае ў судзе, а таксама Сцяпан Пуціла і Ян Рудзік – іх судзяць завочна.

Як перадае карэспандэнт Sputnik, сёння Минскі абласны суд працягнуў разгляд справы пасля перапынку. Пракурор заявіў хадайніцтва аб тым, каб напісаць новае абвінавачанне.

Пратасевіч не пад вартай, да яго прыменена мера стрымання ў выглядзе хатняга арышту.

Дзяржаўны абвінаваўца абвясціла суму шкоды, прычыненай абвінавачанымі па крымінальнай справе.

Пракурор абвясціла дадзеныя, што пасля 2020 года ў Беларусі было ўзбуджана больш за 1,5 тысячы крымінальных спраў экстрэмісцкай накіраванасці, да крымінальнай адказнасці было прыцягнута больш за 1 тысячу чалавек, да адміністрацыйнай каля 15 тысяч чалавек.

Як вынікае з новага абвінавачання, праваахоўным органам пры забеспячэнні правапарадку і спыненні масавых беспарадкаў быў нанесены ўрон не менш як 24 мільёны беларускіх рублёў.

Усяго па гэтай справе дзяржаве нанесена шкода не менш як 30 мільёнаў рублёў.

Новае абвінавачанне сёння было абвешчана толькі Сцяпану Пуцілу.

У новым абвінавачанні, зачытаным пракурорам, засталося распальванне сацыяльнай варожасці і звады (ч.3 арт.130 Крымінальнага кодэкса Рэспублікі Беларусь) арганізацыя масавых беспарадкаў, якія суправаджаюцца гвалтам, групавых дзеянняў, якія груба парушаюць грамадскі парадак. Таксама застаўся ўдзел у змове, накіраванай на захоп улады, публічныя заклікі да захопу дзяржаўнай улады, акту тэрарызму і іншых дзеянняў, накіраваных на прычыненне шкоды нацыянальнай бяспецы Беларусі. Вінавацяць яго таксама ў стварэнні і ўдзеле ў экстрэмісцкім фарміраванні і кіраўніцтве ім, абразе прадстаўнікоў улады, заклікі да забастовак, санкцый.

Як адзначыла дзяржабвінаваўца, Пуціла прад'яўлена абвінавачанне, якое істотна адрозніваецца ад папярэдняга. У новым абвінавачанні канкрэтызавана апісанне злачынных дзеянняў абвінавачанага. Акрамя гэтага, зараз няма складу злачынстваў, прадугледжаных ч. 2 арт 342 і ч.2. 293 – раней было прад'яўлена абвінавачанне па дзвюх частках артыкула 293 "Масавыя беспарадкі". Цяпер засталося толькі першая частка.

Таксама раней у абвінавачанні Пуцілы былі 1 і 2 часткі арт. 342. "Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх". Засталася толькі ч.1 гэтага артыкула.

Пракурор працягне прад'яўляць новае абвінавачанне двум іншым фігурантам – Раману Пратасевічу і Яну Рудзіку – 13 красавіка.

У судзе аб'яўлены перапынак.

Суд па гэтай справе пачаўся 16 лютага ў адкрытым фармаце, было зачытана абвінавачанне Пратасевічу, прайшоў яго допыт у судзе, пачалі зачытваць матэрыялы справы і допыт сведкаў. Потым частку справы разглядалі за зачыненымі дзвярама.

У сакавіку быў аб’яўлены перапынак з-за хваробы Пратасевіча, затым 20 сакавіка суд аднавіўся.

Усім абвінавачаным прад’яўлена абвінавачанне па больш як 10 артыкулах Крымінальнага кодэкса.