МІНСК, 10 кра – Sputnik. Беларусі патрэбны гарантыі Расіі па забеспячэнні бяспекі ў выпадку нападзення, заявіў прэзідэнт краіны Аляксандр Лукашэнка ў Палацы Незалежнасці падчас рабочай сустрэчы з міністрам абароны РФ Сяргеем Шайгу.
Паводле яго слоў, пасля перагавораў у Маскве з прэзідэнтам Расіі Уладзімірам Пуціным была дасягнута дамоўленасць аб тым, што ў Мінск прыедзе кіраўнік абароннага ведамства РФ, каб абмеркаваць пытанні бяспекі.
Гэта праблематыка ўзнімалася ў ходзе пасяджэння Вышэйшага дзяржаўнага савета Саюзнай дзяржавы. Папярэдне, пытанні бяспекі абмяркоўваліся з прэзідэнтам Расіі.
Лукашэнка нагадаў, што заходнія краіны не выконваюць Будапешцкі мемарандум, паводле якога яны давалі гарантыі бяспекі рэспубліцы за вывад ядзернай зброі.
"Дзесьці пасля 1994-га года, вядомага Будапешцкага мемарандума, дзе кляліся ўсе заходнія дзяржавы і Расія даць поўную бяспеку Казахстану, Украіне і Беларусі. Натуральна, вы ведаеце, што заходнія дзяржавы растапталі ўсе гэтыя дагаворы, дамовы і заявы, і ніякай бяспекі няма", - паскардзіўся ён.
На яго думку, гэтае пагадненне давала і гарантыі ў сферы эканамічнай бяспекі. Але пра гэта нельга казаць зараз, улічваючы ўвядзенне абмежавальных мер супраць Мінска і Масквы. Таму гэтая сітуацыя таксама абмяркоўвалася з кіраўніком расійскай дзяржавы.
Беларускі лідар расказаў, што па ўсіх пытаннях атрымаў падтрымку з боку Уладзіміра Пуціна, які ў сваю чаргу сказаў, што "нарматыўны прававы акт міждзяржаўнага характару трэба прыняць зараз, каб гарантаваць поўную бяспеку Беларусі".
"Увогуле гэта гучала на перагаворах так, што ў выпадку агрэсіі супраць Беларусі Расійская Федэрацыя абараняе Беларусь як уласную тэрыторыю. Вось такія нам патрэбны гарантыі бяспекі. Нам ад нашай брацкай Расіі патрэбны поўныя гарантыі бяспекі", - цытуе Аляксандра Лукашэнку яго прэс-служба.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
У Мінск прыляцеў Сяргей Шайгу
РФ павінна разгледзець магчымасць гарантаваць бяспеку Беларусі – Пяскоў
Якую ваенную тэхніку будзе рабіць ВПК Беларусі сумесна з РФ