Беларускі лідар і першая лэдзі Зімбабвэ ў аўторак на сустрэчы вызначалі асноўныя напрамкі гуманітарнага супрацоўніцтва паміж краінамі, кадры размовы паказаў блізкі да кіраўніка дзяржавы Telegram-канал "Пул Першага".
Жонка прэзідэнта Зімбабвэ прыбыла ў Мінск 5 красавіка, замежная госця мела намер пазнаёміцца з беларускім вопытам у ахове здароўя, у прыватнасці, яна пабывала ў некалькіх медустановах, падчас паездак яе суправаджаў кіраўнік беларускага Міністэрства аховы здароўя Дзмітрый Піневіч.
Візіт жонкі зімбабвійскага лідара ў Мінск працягнуўся ў аўторак сустрэчай з Аляксандрам Лукашэнкам у Палацы Незалежнасці. Госця таксама падзялілася сваімі ўражаннямі ад праведзенай размовы.
"Я бачыла, які клопат ён (Лукашэнка - Sputnik) праяўляе пра сваю краіну, пра свой народ. Мы бачылі, як клапоцяцца пра дзетак у шпіталі. Менавіта таму я яму сказала: "Спадар прэзідэнт, дазвольце вам сказаць, што вы не толькі бацька, вы і маці для сваёй краіны", - сказала жонка прэзідэнта Зімбабвэ.
Яна таксама дадала, што падчас сустрэчы з беларускім прэзідэнтам не было закрытых тэм, і выказала надзею, што адносіны паміж краінамі будуць рухацца наперад і далей.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Viber і Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Першая лэдзі Зімбабвэ прыбыла ў Мінск – відэа
Беларусь гатова не проста абменьвацца таварамі з Зімбабвэ – Лукашэнка
Беларусь і Зімбабвэ падпісалі пакет дакументаў