МІНСК, 11 кра – Sputnik. Выстава жывапісу кітайскага мастака Хань Юйчэня адкрылася ў Нацыянальным мастацкім музеі Беларусі, яна называецца "Вобразы Кітая", усе жывапісныя работы, а іх больш за 30, прысвечаны Тыбету. Па выставе, якая размяшчаецца на галерэі музея, карэспандэнтаў Sputnik правяла малодшы навуковы супрацоўнікі аддзела замежнага мастацтва НММБ Багдана Тупчыенка.
© Sputnik / Тамара Беляева
Паводле яе слоў, Хань Юйчэнь – адзін з самых вядомых у свеце сучасных кітайскіх мастакоў. Яго персанальныя выставы былі ў лепшых музейных залах Паднябеснай і Расіі, карціны выстаўляліся на прэстыжных біенале ў Парыжы, Мілане, Рыме.
"У сваёй творчасці ён звяртаецца не да традыцыйнага кітайскага жывапісу го хуа, які найбольш вядомы еўрапейцам, а да алейнага жывапісу. Яго стыль пісьма вельмі блізкі да рэалістычнай школы рускіх перадзвіжнікаў", - расказала Багдана Тупчыенка.
Паводле яе слоў, дастаткова вялікі ўплыў на яго аказала творчасць вялікага рускага мастака-перадзвіжніка Ільі Рэпіна.
"У свой час у Хань Юйчэня былі перасовачныя выставы яго работ", - расказала мастацтвазнавец.
І гэта не выпадкова – бо мастак шмат падарожнічае, у першую чаргу ў Тыбет, дзе чэрпае натхненне і знаходзіць шмат вобразаў для сваіх карцін, з якіх бачна, што прыгажосць старажытнага Тыбета для яго ў першую чаргу ў людзях.
Як вядома, у Кітаі цяпер пражывае больш за 50 народнасцей. Мастак называе высакагорны Тыбет "дахам свету" і пабываў там ужо больш за 20 разоў.
Пісаць на выдыху
Ккітайскі мастак, які нарадзіўся ў 50-х гадах мінулага стагоддзя, не атрымаў акадэмічнай адукацыі жывапісца.
"Але яго абучалі лепшыя мастакі свайго часу, і, нягледзячы на тое, што ён працуе маслам, ён выдатна зарэкамендаваў сябе ў каліграфіі і як майстар го хоа. Мы бачым, што традыцыйная тэхніка кітайскага жывапісу знайшла адлюстраванне ў яго жывапісе", - расказвае навуковы супрацоўнік музея.
Паводле яе слоў, бачна, што, як і жывапісец па шоўку, Хань Юйчэнь піша свае карціны, як гавораць кітайскія каліграфы, "на выдыху".
"Ён піша ў рэалістычнай манеры, але не ідэалізуе жыццё, а паэтызуе", - адзначыла Багдана Тупчыенка.
Восень, зіма… і зноў вясна ў Тыбеце
Выстава карцін "Вобразы Кітая", якую мастак прывёз у Мінск, складаецца з чатырох частак: "Стэпы і пашы", "Штодзённае жыццё", "Рэлігія" і "Людзі". Як адзначыла куратар выставы, старшы навуковы супрацоўнік выставачнага аддзела НММБ Кацярына Запека, на палотнах наведвальнікі музея бачаць паўсядзённае жыццё тыбетцаў: манахаў, качэўнікаў-пастухоў і земляробаў.
"Нягледзячы на відавочную суровасць клімату і ладу жыцця мясцовых жыхароў, у работах Хань Юйчэня мы бачым гарманічны свет, напоўнены ўсмешлівымі людзьмі і яркімі фарбамі прыроды", - расказала яна.
Шчодры падарунак
Кітайскі мастак Хань Юйчэнь у Беларусі атрымаў званне ганаровага прафесара Беларускай акадэміі мастацтваў. У Беларусі збіраюцца зняць пра яго фільм, аб гэтым заявіла кіраўніцтва нацыянальнай кінастудыі "Беларусьфільм".
Мастак падарыў адну са сваіх жывапісных работ Беларусі, яна будзе экспанавацца ў Нацыянальным мастацкім музеі Беларусі. Гэта патрэт тыбецкай жанчыны Німы, ён напісаны мастаком у 2011 годзе. Німа – з самага высакагорнага раёна Тыбета Алі, дзе знаходзіцца адна з самых маляўнічых прыродных зон гэтай зямлі.
© Sputnik / Тамара Беляева
Мастак, калі дарыў гэтую карціну Беларусі, падкрэсліў, што ўсмешка Німы – яго цёплае стаўленне да беларусаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Viber і Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Скульптар Фінскі: джаз – гэта і ёсць мая малая пластыка, гэта свабода і экспромт
Радасць быцця і аптымізм: у Мінску праходзіць выстава карцін Кустодзіева