МІНСК, 12 кра – Sputnik. Суседнія з Беларуссю краіны пайшлі па шляху рэспублікі ў пытаннях стварэння тэраабароны, заявіў дзяржсакратар Савета бяспекі Аляксандр Вальфовіч, перадае карэспандэнт Sputnik.
Праверка баявой гатоўнасці тэрытарыяльнай абароны Мінскай вобласці праводзіцца з 20 сакавіка. "Партызаны" увесь гэты час аднаўлялі свае ваенныя навыкі і вучыліся ахоўваць важныя аб’екты жыццезабеспячэння.
Дзяржсакратар звярнуў увагу, што тэрытарыяльнай абаронай у Беларусі пачалі займацца з пачатку 2000-х.
"Пройдзены вялікі прамежак часу, адпрацаваны ўсе пытанні арганізацыі і планавання, прымянення, удасканалення тэраабароны. Мы ступілі далёка наперад па гэтым шляху, і па нашым шляху пайшлі суседнія краіны. Тая ж Польшча, краіны Прыбалтыкі зразумелі, што тэрытарыяльная абарона – гэта неабходны элемент абароны дзяржавы", - сказаў Вальфовіч.
Ён таксама адзначыў, што Украіна перакруціла сутнасць тэрытарыяльнай абароны: яе падраздзяленні пераўтвораны ў нацыяналістычныя фарміраванні.
"Не для абароны свайго насельніцтва, а для марадзёрства, грабяжу – пытанняў, звязаных не з абаронай насельніцтва. У Беларусі ж гэта (тэраабарона - Sputnik) мае ўсенародны характар", - дадаў дзяржсакратар.
Што такое тэраабарона?
Войскі тэрытарыяльнай абароны з’явіліся ў Беларусі ў пачатку 2000-х і зараз з’яўляюцца адным з эфектыўных спосабаў павысіць магчымасці дзяржавы ў галіне ваеннай бяспекі. Сябе яны часта завуць "партызанамі".
Тэрытарыяльная абарона не ўваходзіць у склад Узброеных сіл, гэта, хутчэй, дапамога для вайскоўцаў. Начальнікамі зон (усяго іх сем – па колькасці абласцей плюс Мінск) тэрытарыяльнай абароны з’яўляюцца кіраўнікі аблвыканкамаў і старшыня Мінгарвыканкама.
У задачы "партызан" уваходзіць абарона пэўных участкаў і аб’ектаў на сваёй малой Радзіме.
Мабілізуюць тэрытарыялаў у выпадку ваеннай пагрозы або развязвання агрэсіі супраць краіны. У мірны час прызываюць былых запаснікаў толькі на вучэнні, каб навыкі не губляліся.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
У Беларусі ўпершыню задзейнічалі народнае апалчэнне
ЗША ствараюць часткі біялагічнай зброі каля меж Расіі – Мінабароны РФ
У лесе, траншэі, горадзе: саюзныя войскі вучацца на практыцы