МІНСК, 17 кра – Sputnik. Беларусь поўнасцю забяспечана прадуктамі харчавання айчыннай вытворчасці, а лішкі пастаўляюцца на экспарт, паведаміў намеснік прэм’ер-міністра краіны Леанід Заяц у эфіры тэлеканала "Беларусь 1".
Паводле яго слоў, у краіне сфарміраваўся пэўны аб’ём харчовай прадукцыі, які поўнасцю задавальняе патрэбнасці ўнутранага рынку. Пры гэтым лішкі прадукцыі краіна рэалізуе на экспарт.
Так, айчынныя вытворцы за першы квартал гэтага года рэалізавалі мясной прадукцыі амаль на 5 тысяч тон больш, птушкі – на 10,6 тысяч тон больш, каўбасных вырабаў – на 2 тысячы тон больш. Таксама павялічыліся пастаўкі на экспарт і беларускай ялавічыны.
У выніку прырост валютнай выручкі толькі ад мяса і мясапрадуктаў за гэты перыяд склаў 20 мільёнаў долараў.
Што да малочнай прадукцыі, то яе недахопу, паводле слоў Леаніда Зайца, Беларусь таксама не адчувае. На знешнім рынку продаж гэтай прадукцыі застаўся практычна на ўзроўні мінулага года.
Гаворачы аб рынках збыту, віцэ-прэм’ер адзначыў, што асноўным рынкам па-ранейшаму з’яўляецца Расія.
"Туды (у Расію - Sputnik) мы павялічылі пастаўкі практычна на 18%, атрымалі на 134 мільёны долараў больш, чым на такую ж дату ў мінулым годзе. Мы павялічылі пастаўкі ў Кітай на 18,5%. Кожны дзень мы адпраўляем на экспарт прадукцыі у суме на 21 мільён долараў", - заявіў намеснік беларускага прэм’ера.
Страты скараціліся
Гаворачы аб стратных прадпрыемствах, Леанід Заяц паведаміў, што іх за першы квартал стала менш на 36%. Так, калі ў мінулым годзе іх было 106, то на сённяшні дзень – 68.
Паводле яго слоў, на 17% скарацілася сума страт, а фінансавыя абавязацельствы сельгаспрадпрыемстваў зменшыліся на 2%. ВУП беларускай сельскай гаспадаркі складае 103% адносна першага квартала 2022 года.
Адзначаецца таксама рост прадукцыі жывёлагадоўлі: малака на 4,2%, а яго рэалізацыі – на 4,8%. Аб’ём вырошчвання птушкі павялічыўся на 107,5%, а ў цэлым вырошчванне мяса жывёлы і птушкі ўзрасло на 103,8%, расказаў Леанід Заяц.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
У Мінсельгасхарчы расказалі аб сітуацыі з захворваннем жывёл
Беларусь нарасціла экспарт харчавання ў Расію больш як на 24%
Беларусь вырошчвае агародніны больш, чым спажывае – Галоўчанка