МІНСК, 29 кра – Sputnik. Генпракуратура перадала ў Дзяржаўны мемарыяльны комплекс "Хатынь" рэчавыя доказы, здабытыя падчас расследавання крымінальнай справы аб генацыдзе.
"Сёння перададзены артэфакты, якія былі знойдзены ў месцах раскопак, у месцах, якія былі ўстаноўлены ў ходзе расследавання крымінальнай справы аб генацыдзе. Артэфакты былі знойдзены на тэрыторыі Мінскага, Лагойскага раёнаў, Ганцавіцкага раёна Брэсцкай вобласці", - расказаў намеснік генеральнага пракурора Сяргей Хмарук, яго словы цытуе БелТА.
У фонды мемарыяльнага комплексу, як адзначае "СБ", перададзены гільзы патронаў, вінтовачныя кулі, абоймы карабіна. Усе гэтыя прадметы з’яўляюцца рэчавымі доказамі, здабытымі следчай групай падчас расследаванняў крымінальнай справы аб генацыдзе.
Як паведаміў Сяргей Хмарук, гэта работа будзе прадоўжана. Так, у бягучым годзе запланаваны раскопкі як мінімум у 36 месцах на тэрыторыі краіны.
"Мяркую, што колькасць атрыманых факталагічных матэрыялаў будзе павялічана", - адзначыў Хмарук.
Акрамя гэтага, пракурорскія работнікі таксама наведалі музейную экспазіцыю мемарыяльнага комплексу "Хатынь" і ўсклалі кветкі да скульптуры, якая сімвалізуе непакоранага чалавека.
"Упэўнены, пасля наведвання музея маладыя пракурорскія работнікі выйдуць зусім іншымі. Па маіх адчуваннях, няпроста было прайсці па гэтых залах, вельмі няпроста. І слёзы душылі, і прыгадвалася нешта сваё. Нездарма кажуць, што ў Беларусі ў кожнай сям’і ёсць дзеці Хатыні", - падкрэсліў Сяргей Хмарук.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лукашэнка: у фашызму няма чалавечага твару, але ёсць імёны
"Диктант Победы" напісалі ў Мінску
Саюзны праект "Без срока давности" прэзентуюць 22 чэрвеня ў Брэсцкай крэпасці