МІНСК, 4 мая – Sputnik. Крабавыя палачкі пастэрызаваныя VICI зноў дазволілі ўвозіць і прадаваць у Беларусі, такое рашэнне прыняў Дзяржстандарт, выключыўшы гэтую прадукцыю са спіска небяспечнай.
Нагадаем, што прычынай забароны продажу крабавых палачак адной з самых папулярных у Беларусі марак стала выкарыстанне недапушчальнага харчовага дадатку – падсаладжальніка сорбіт Е420.
Такім чынам, прадукцыя не адпавядала патрабаванням якасці. Увозіць і прадаваць гэтую рыбную прадукцыю ў краіне было забаронена з 9 сакавіка.
Аднак праз два месяцы Дзяржстандарт змяніў сваё рашэнне.
"Дазволены ўвоз і абарачэнне на тэрыторыі Рэспублікі Беларусь з 2 мая 2023 года", - гаворыцца на сайце ведамства.
Што тычыцца рыбных бургераў гэтага ж вытворцы, якія разам з крабавымі палачкамі ў пачатку сакавіка гэтага года былі забаронены да ўвозу і продажу, то гэтая забарона да гэтага часу застаецца ў сіле. Прычынай гэтага рашэнне Дзяржстандарту таксама стала наяўнасць у прадукцыі падсаладжальніка сорбіт Е420.
Дзяржстандарт рэгулярна выяўляе прадукцыю, якая паступае ў продаж з парушэннямі. Так, у мінулым годзе пад забарону ўвозу і продажу ў Беларусі трапіла 1 381 найменне небяспечнай прадукцыі.
Лідарам "антырэйтынгу" з’яўляецца электратэхнічная прадукцыя – 34% ад агульнай колькасці выяўленай небяспечнай прадукцыі. Другое месца па парушэннях займаюць прадукты харчавання (25%), на тавары для дзяцей і падлеткаў прыпадае 15%, цацкі – 11%, вырабы лёгкай прамысловасці – 6%.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларусь нарасціла экспарт харчавання ў Расію больш як на 24%
Мінспорту вызначыла нормы расходаў на харчаванне дзяцей у спартыўных лагерах
Беларусь плануе амаль удвая павялічыць экспарт прадуктаў харчавання ў Кітай