МІНСК, 9 мая – Sputnik. Савецкае воінскае пахаванне ў аўстрыйскім горадзе Эбензеі (зямля Ніжняя Аўстрыя) апаганена невядомымі, аб гэтым паведаміла пасольства Расіі ў Вене.
Вандалы пашкодзілі барэльеф на помніку воінам, якія аддалі сваё жыццё за вызваленне Аўстрыі ад нацызму.
Расійскае дыпламатычнае прадстаўніцтва заявіла аб намеры накіраваць ноту пратэсту ў МЗС краіны і праінфармаваць мясцовыя ўлады аб здарэнні.
Як адзначылі ў пасольстве, "асабліва цынічным з’яўляецца тое, што гэтае подлае злачынства было ўчынена" ў дні вялікага свята Перамогі ў Вялікай Айчыннай вайне.
Нагадаем, што на мінулым тыдні прадстаўнікі 11 краін, у тым ліку і Беларусі, выступілі ў пастаянным савеце АБСЕ ў Вене з сумеснай заявай з нагоды 78-й гадавіны Перамогі ў Другой сусветнай вайне.
Кіраўнікі місій рашуча асудзілі знішчэнне і апаганенне помнікаў і мемарыяльных аб’ектаў воінам-вызваліцелям і выказаліся супраць спроб перагляду або скажэння вынікаў Другой сусветнай вайны, рэабілітацыі і гераізацыі нацыстаў і іх памагатых.
"Кіраўнікі місій заклікалі ўсе краіны АБСЕ шанаваць памяць аб барацьбітах з фашызмам і нацызмам у гады Другой сусветнай вайны і паважліва ставіцца да подзвігу народаў", - расказалі ў беларускім МЗС.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Паслу РФ не далі ўскласці кветкі на мемарыяльных могілках у Варшаве – відэа
Дзень Перамогі не дае спакою Вашынгтону і Бруселю – Валодзін