МІНСК, 18 мая – Sputnik. Сталі вядомыя тэрміны ўступнай кампаніі ў каледжы Беларусі, яны вызначаны пастановай міністэрства адукацыі №149 ад 4 мая, якая апублікавана на Нацыянальным прававым інтэрнэт-партале ў чацвер.
У ёй гаворыцца, што для тых, хто збіраецца паступаць у каледжы на дзённую бюджэтную форму пасля 9-х класаў школы, прыём дакументаў пройдзе з 20 ліпеня па 3 жніўня.
Абітурыентам, якія плануюць пасля 9 класа вучыцца на платнай аснове ў каледжы, дакументы неабходна падаць з 20 ліпеня па 14 жніўня.
Для тых, хто пасля 11 класа мае намер паступаць ва ўстановы ССА на бюджэт, уступная кампанія пройдзе з 20 ліпеня па 20 жніўня.
На платную форму тэрміны прыёму будуць карацейшыя – з 20 ліпеня па 12 жніўня.
Асаблівыя тэрміны прыёму будуць у тых, хто плануе вучыцца на вячэрняй або завочнай форме па спецыяльнасцях "Сельская гаспадарка" і "Ветэрынарыя" – з 15 кастрычніка па 30 лістапада.
Што тычыцца замежнікаў і асоб без грамадзянства, яны могуць пачынаць падаваць дакументы ўжо зараз і да 3 жніўня. Праўда, перад паступленнем ім неабходна будзе прайсці гутарку, якая вызначае ўзровень валодання мовай, на якой будзе весціся адукацыйны працэс.
У выпадку недабору ССНУ могуць аб’явіць аб прадаўжэнні набору да 15 верасня.
Нагадаем, раней у Мінадукацыі заяўлялі, што на ўзровень сярэдняй спецыяльнай адукацыі ў 2023 годзе плануецца прыняць больш за 39 тысяч абітурыентаў, з іх каля 27 тысяч – на бюджэтную форму.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Мінадукацыі назвала даты выпускных экзаменаў для дзевяцікласнікаў
Месцаў менш, бюджэту шмат: гатоў план прыёму ў ВНУ Беларусі-2023
Паступіць у ВНУ МНС можна без экзаменаў – вось спісак спецыяльнасцей