МІНСК, 28 мая – Sputnik. Беларусь сёння адзначае Дзень пагранічніка, перадае Sputnik.
Дзень пагранічніка бярэ свой пачатак з 28 мая 1918 года, калі дэкрэтам Саўнаркома была заснавана Пагранахова мяжы РСФСР, створана Галоўнае ўпраўленне пагранаховы. У Беларусі пасля таго, як краіна набыла незалежнасць, захавалі традыцыю адзначаць гэтае свята.
У гэты дзень сотні былых вайскоўцаў пагранвойск сустракаюцца са сваімі саслужыўцамі, яны ўскладаюць кветкі да мемарыялаў воінаў, якія аддалі жыццё, абараняючы мяжу.
Агульная працягласць рубяжоў нашай краіны складае 3 617 кіламетраў. З Еўрасаюзам працягласць складае 1 250 кіламетраў, з Украінай – 1 084.
Служыў у пагранвойсках і прэзідэнт Беларусі Аляксандр Лукашэнка, таксама ў розны час "зялёную фуражку" надзявалі яго сыны – Віктар і Дзмітрый.
Старэйшыя сыны Лукашэнкі, Віктар і Дзмітрый, заканчвалі факультэт міжнародных адносін БДУ – там ёсць ваенная кафедра. Вядома, што Віктар Лукашэнка ўжо пасля заканчэння ВНУ меў званне лейтэнанта, аднак вырашыў пайсці ў армію.
Віктар Лукашэнка служыў у падраздзяленні, якое займаецца барацьбой з нелегальнай міграцыяй і кантрабандай. Пазней у гэтым жа падраздзяленні праходзіў службу і сярэдні сын кіраўніка дзяржавы Дзмітрый – у 2003 годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лапо: украінцы не спыняюць правакацыі на мяжы з Беларуссю
Лукашэнка прыняў рашэнне аб ахове дзяржаўнай мяжы
Польскія пагранічнікі працягваюць дэзінфармаваць грамадскасць – ДПК Беларусі